園自然及文化教育中心 + 科學館

十月二十五日(星期日) 晴

今天節目真係一浪接一浪. 首先我們去左太和拜祭太嫲, 跟住去左鳳園自然及文化教育中心睇蝴蝶. 查實也是在網上得知此活動, 剛好我們今天往大埔, 真係順道前往參觀. 一入場不久, 便撞見李生李太一家, 原來李公子好愛蝴蝶, 手執一本蝴蝶圖冊, 一邊追蝶, 一邊影相, 好認真, 乖仔.

可惜琳琳的表現較差, 因陽光普照, 她是一位勁怕熱的小朋友, 不停地叫走. 琳ba四圍拍照, 也算到此一遊.

一點幾終於離開蝶園, 向科學館出發. 因家庭證過左期, 我地只好重新申證, 4 張證去晒全部博物館, 正! 一入場, 我地便去左糖果天地玩, 可能是最尾幾日, 今天個場較少人. 琳琳最愛”畢”糖. 人地”畢”左的糖, 她立即取去, 勁貪吃.

玩左一陣, 我地去左兒童天地個邊玩, 撞見dodo及毛毛. 琳琳勁like科學館, 玩到尿急也不出聲, 濕左少少才跟我們說要去．　她在鏡子世界內玩變身型，笑到停不了口．　５點啦！　要回家啦！　在巴士上撞見同學仔阿嵐及ＭＡＭＡ阿ＹＡＮ，　琳琳跟同學仔打招呼後便上了樓上坐，因她次次坐巴士也想坐樓上．而我跟嵐ｍａ互相分享湊仔經，又討論一下小學問題，爽．