旺旺又受傷...

今日係AD conference嘅大日子，昨晚我只睡了兩個半小時...今天一早7點半就囬到公司...

公司樓下，旺旺離遠見到我，慣例咁搖頭擺尾跑過來聞聞我say hello...我如常摸摸佢個頭...然後，離遠我見到momo乖乖咁坐喺度，有個女同事將自己嘅麵包餵俾佢...

咁旺旺有冇得食呢？有個問號...

不過開會前有太多要準備，我要到今晚才可以同佢哋玩lu...

準備入電梯之際，我突然聽到佢哋好大聲嘅吠叫聲，我冇為意，以為佢哋又見到老鼠...

返到自己個位5分鍾左右，食緊老麥早餐，突然有電話，同事急促咁同我講要我快啲落去，旺旺就嚟俾momo咬死....

我衝落樓，一邊跑一邊幾咁希望只是同事喺度講笑，佢哋其實喺度玩...一嚮溫柔憨厚嘅momo點會？

當離遠見到幾個同事圍觀，我心知不妙，當我跑近嘅時候，同事們係自覺給我讓路...

我真係唔敢相信眼前見到嘅景象：momo同旺旺正纏繞一團，而旺旺似乎處于劣勢，momo...頭同大半個身都係血蹟...

嗰啲係旺旺嘅血...旺旺不斷掙紥反抗，但momo沒有停下嘅意思，喺我落嚟之前，他們起碼打鬥了10分鐘了...3個男同事攞住長鐵通想要將佢哋分開，但momo完全失去常性咁依然不斷咬旺旺....

我不斷狂叫momo放手，身邊嘅同事扯住我唔俾我過去，我哭喊著：momo，我求下妳，旺旺就死喇，妳唔好再咬～～

嗰一刻，我真的不甘心，明明剛才還好好的過來要撒嬌，頃刻血肉糢糊...我只懂喊，momo每咬一下，我都覺得好痛好痛...

同事要將我扯上樓，安慰我佢哋會冇事，但我又死衝囬去，仲咬緊，我真係崩潰了...

直到旺旺不動了，攤喺度，momo先停下來，明哥喝住佢，叫佢sit，佢真係sit，然後竟然乖乖跟住明哥走開，而地上嘅旺旺就這樣攤着...

我想要衝過去抱起佢，但我動也不能動，剛才還是鮮活嘅生命...我接受不了，我不斷叫旺旺快起身，但佢都係沒有動，同事安慰我，應該冇事，妳睇佢仲有呼吸...

過咗十幾秒，旺旺突然爬起，一柺一柺地找地方舔傷口...

同事又再將我拉走，因為，今日係一個不容有失嘅大日子...

我請求同事帶佢去醫院，同事後來告知身上沒有甚麼緻命傷，我的眼淚還是控製不住，化妝的時候還是不斷地湧出...後來睇當天的照片，我的臉是一片慘白...

今天的會很順利...

期間同事不斷告知我旺旺的傷勢，幸好沒有傷及喉嚨等，所以很快會康復...

放工後去探佢，打了痲醉針的旺旺本來睡着了，看到我們馬上吠叫了兩聲，然後我伸手去摸佢嘅時候，佢又撒嬌要我摸摸及不斷舔我嘅手...

旺旺身上有兩處給咬掉了皮，手手腳腳都是傷，喉嚨附近有很深的牙印，醫生說幸好沒有傷及喉嚨，假若再深一點我以後都見不到佢了...

旺旺已經是這醫院的常客了...點解佢要受咁多苦？

佢只係一個小小生命，佢承受過嘅痛苦比我哋要多好多，天呀，求求妳，善待它吧～～