第一份禮物？

今日真係好意外收到呢份禮物...

原本只係見過3.4次面嘅合作伙伴；原本佢去出trip順便話幫我睇睇仲有冇H&M x CDG嘅波點恤（幫我朋友買），但可惜已經乜都賣晒；原本佢話帶粒古古力俾我當手信；但係竟然係偸偸給我帶來呢份禮物：

其實以我哋嘅交情，我真係估唔到佢會送禮物俾我，但係因為我工作關係，係唔可以收咁貴重嘅禮物（仲要得我一個有），其餘嘅同事都只係share 好好味嘅godiva。

電話中，我好唔好意思咁表示婉拒，其實我係咪好衰呢？可能佢真係一番心意送俾我而唔係因為工作呢？唉...

我好矛盾咁偸偸打開牛皮紙袋，就見到EA嘅sticker，OMG,唔知裏面係咩，但我已經好鍾意，因為我有私心，因為...某人以前係戴EA嘅眼鏡，我成日望住佢側面時我就見到佢眼鏡上細細嘅EA logo。突然我好想擁有呢份禮物...

好靚嘅一條圍巾，灰色粗knit，on top再掃一層銀油...如果某人見到應該都會好鍾意...

其實我覺得中間嘅皮牌好似幾man咁...

我真係鍾意，點算好...

我同佢講，不過我俾番錢佢，然後當係佢幫我買，我仍然好感激佢嘅一番心意，咁樣會唔會好衰呢....

哎呀，好矛盾呀...