小py B...

昨晚在最唔開心嘅時候收到媽媽嘅電話，佢興緻勃勃咁話我知，我哋可以養一隻小py bb la...

之前小py 做咗人爸爸，小py自己都未見過自己啲bb們ar，真係慘...因為對方本來話3隻bb都會自己養...咁我同媽媽都覺得只要成日可以見到，都冇所謂la...

中秋節我返新屋過節，同媽媽去咗探小py bb...

黑色嘅一隻係老三，男仔嚟gar，但就竟然最肥佢，個樣蠢蠢哋傻瓜瓜好得意gar...

金色嘅係女仔，都幾fit，啲毛色似晒小py...

後面紅色身影，hehe，係我活潑可愛嘅媽媽la...

仲有一隻已經俾咗人lu（又話唔俾人！！我同媽媽都好失望ar），不過媽媽之前都同我講道理『唔好強求』wor....

點知昨晚bb們嘅主人竟然抱住老三過嚟，話俾我哋養，我諗媽媽當時一定好開心...

媽媽話不如星期日一早再抱過嚟，等佢呢幾日去添置家當先...

媽媽話唔好俾爸爸知道住，實行先斬后奏，哈，真係到時唔知我爸爸嘅表情係點呢...

然後媽媽問，改咩名好ar，我話妳中意la...俾個機會妳改名..^_^

今日一早，媽媽俾電話我，叫『樂樂』好唔好ar，因為小py全名Happy，開心快樂，咁佢個仔就叫樂樂la，都係好開心嘅意思，哎呀，我嘅媽媽真可愛...

過咗一陣，媽媽又打嚟，不如叫『baby』la，意思即係小py嘅bb咁解，哎呀...媽媽真係好開心呢睇嚟，興奮過度...

媽媽話，小py自從見到bb之後好唔開心ar（吃醋），哮喘（佢撒嬌嘅時候就會哮喘，詐死），冇胃口，連牛奶都唔飲la....媽媽話等bb正式搬入嚟嘅嗰日再同小py詳細解釋下wor...

就係咁，我家嘅成員又加多一位：Baby，小名BB~~