Day 1 - Sydney

30/4/2009 番埋四月份最後一day後～搭夜晚20:55機飛去雪梨啦～究竟而家係叫做雪梨定係悉尼呢～香港人多數叫悉尼～但果邊ｄ人多數叫雪梨架喎～

第一次自由行～乜都要自己攪掂～酒店啦～點樣搭車～去邊度好玩～邊度有好野食～所有野都係自己搵～好在有好多朋友幫我！！如果唔係我都唔知點算！！去到人地ｄ地方倒亂都似丫～仲要照顧媽咪～

起飛無耐～派晚餐～居然咁快無BEFF～～不過其他配料都ＯＫ～食飽飽後睇埋套"新娘愛鬥大"～睇睇下都訓著啦～機上面有派到襪，眼罩，牙刷～都算舒服啦～訓訓下～張敬軒一直唱歌．．哈哈～跟住就比媽咪叫醒拉開個WINDOW～～原來日出啦～大佬～果時五點乍～眼都猛唔大～香港時間係三點～訓到流晒口水～呵！！好快就見到陸地～不過就好似兜左個圈先到機場～

澳州入境比較麻煩～豬啦牛啦～生既野熟既野．乳酪．腸仔乜都唔帶得喎～個飛機早餐有乳酪都無得食～個早餐我係一樣都無食過～全部都又凍又硬～完全唔掂呀～入境時爭Ｄ比個鬼婆沒收左包魚肉腸～好在最後指比佢睇個成份果欄係ＦＩＳＨ～驗屍左大半個鐘頭～差不多８點先出到機場～

好快搵到火車站～研究左一輪個買票機後～都係去番COUNTER買搭左幾個站就到Sydney 市中心，亦係我地酒店所在地～因為未夠鐘CHECK IN～就先搵左旅行社先～因為係香港口頭上用電話報左名～黃金海岸五天＆墨爾本四天團～要去拎番收據～同埋睇下仲有Ｄ乜野本地一日遊啦！！順便報埋BLUE MOUNTAIN ＆坎培拉一日團～

報完名又拖住隻巨喼去搵野食啦～大佬我地早餐都未食架～行落一條街就係唐人街～入左MARKET CITY裏的FOOD COUNT食飯～３餸１飯１湯～AU$9～都算ＯＫ啦～食飽飽後～唔知點解依個場無乜店鋪開門喎～落左佢個地下PADDY MARKET行下～～依度Ｄ野幾抵買架～忍下手先～開始搵酒店係邊度啦～～拖住巨喼想發忟～

CHECK IN都等左大半個鐘～話未執好房喎～阿媽就訓左教～～我都想訓呀～然後終於有房時拿拿林沖個涼．．粒多件衫就出去行街～初頭諗住即刻去FISH MARKET食SEA FOOD～

就係我地搵緊搭乜野車去時～忽然有個男仔彈出黎問我地．．妳地想去邊呀（用廣番話喎）嚇得我～原來佢係做觀光巴士既～果時已經係下午３點啦～佢話FISH MARKET ５點關門～叫我地留番第２日先再去喎～

唯有用自己雙腿周圍行下啦～～行下行下就到左DARLING HARBOUR～成個CITY都見到Ｄ單軌列車都幾得意～仲有好多海鷗，白鴿～當然比佢地更加多既係．．成個地都係佢地Ｄ便便～白雪雪一片．．哈哈！！

繼續行．．行．．行．．又搵到想去既地方，QVB～依幢建築物好靚架～過多幾日，朝早黎多次先映番個外觀先～夜麻麻都映唔到～去到TOWN HALL果邊～忽然成堆人衝左出馬路～Ｄ警車好似拍戲咁橫掃條街～又有白色又黃色又紅色咁～我以為賽車呀～大鄉里出省～我地估係５月１日大遊行．．唔知抗議Ｄ乜野啦

DINNER都係去番唐人街食～食左個勁大碗既皮蛋瘦肉粥（勁大碗粥），仲有黑椒牛柳絲炒烏冬～無錯～黎到澳州依然要食烏冬～呵～～