深圳一日遊

今次上來深圳有個目的架．．．．就係要同阿角姐姐慶祝生日

原來而家上深圳越黎越方便～我地先約在元朗食早餐然後出發去落馬州～姐姐帶我地去搭一架ｖａｎ仔，唔駛在皇巴士度落車再上車架喎～就咁直踩就到落馬州～不過呢～～條路就係～～如果夜晚的話都幾嚇人～～呵呵！！超快地過埋關一直行～～行～～行～～就直接上埋地鐵喎！！！

專程來到購物公園站～搵果間貓貓狗狗野買～．．．點知．．冇貨呀～～我又唔ｌｉｋｅ貓～冇買到ｌｕ～～唯有等佢下次再有哈仔野先買過啦

下一站就黎到會展中心～看了在西鐵站拎的鐵路沿線書仔～有家樂福喎～買左ｄ野飲同薯片．．收鑊豐富～不過好老土地～～冇帶背狼黎就要收番膠袋錢～～下次我要拖０急黎先得呀

嘩～～～又係地鐵站丫～～～今次都搭左好多轉地鐵～～福民站同福田站距離一個站架乍～下次一過關如果直接想黎就會快好多啦！！依度有好多野食．．好多野買架～～～我地仲狂掃左好多．．．．．．．．（唔講得比人知架 ）

掃左咁多野．．係時候要食餐ｌｕｎｃｈ啦～～依間野都幾特別．．咁大間，勁多侍應～但就怕你走數～一叫完食物就要收錢先～再比番張單你～不過好在有單乍～．．我地叫左某ｄ食物都吹左幾次～大致上都ｏｋ～抵食＋好味～下次可以再試！！

呵呵～～抖飽後得到好心人仕既幫助，我地就來左依間做按摩啦～～都幾貴喎～同埋有小小欺騙成份，先前冇講明要收加一服務費架嘛～又加一又小費～咪好著數～依間可以～！

重頭戲～～～譚魚頭～聽就成日聽人講上大陸食小肥羊ｏｒ譚魚頭啦～小肥羊應該多數人試過～係香港我都食過依２間～但大陸就２間都未食過～

這間譚魚頭在科學館站落車大約行１００米，都幾偏遠喎～可能遷就有私家車的富豪．．呵～～環境ｐｅｒｆｅｃｔ～侍應服務仲好欣勤．．過龍～～哈哈！！叫左ｄ普通既食物～當然少不了魚頭啦～～ｄ湯好好味～我都飲左幾碗～但佢地話咸喎～可能我一開始就筆左黎飲囉～～～yeah～～我仲想食埋魚卜架～～姐姐們唔肯試呀．．．．嗚～～埋單就貴左小小～～下次我想試埋小肥羊丫～～

食飽飽後就要回家了～～祝阿角姐姐生日快樂呀！！！有心唔怕遲嘛～～呵！！