黑夜之神

近依個禮拜日日都好忙～忙乜呢？唔記得～日日都出街！個人好累～老啦～係時候要休息下．．．呵～

放工入屯門市中心同胖子食元氣～唔記得佢唔熟屯門．．呵～都搵左好耐～兜左幾次先搵到我～都係我唔好～哈哈．．仲要鬧佢行錯路＆遲到．．黎到時仲要黑面～坐低食緊野回復靚靚心情時先醒起．．佢一年都唔知有無黎屯門超過３次～哈哈！！

飯後散步行過新墟睇依套<<蝙蝠俠>>　～　套戲好長呀～２個半鐘～完場時成個下身痺晒～又急到震喎．．kaka～套戲麻麻地～可能我唔知前文後理啦～好亂．．人又多～ｄ畫面不斷做下果度．．又交待下另一度咁～睇緊中段時好想大叫．．睇唔明丫～不過．．都ｏｋ啦～