中秋假之二

琴晚成3點先訓, 今朝一早就約左老鬼踢波, 我都仲起到身, 真係要讚下自己!!!

起身後, 落左大家樂, join左基老, 黑標同G7食早餐, 跟住就落場等開波, 落到球場已經見到國民兩兄弟, 人少, 紅姑同埋一個食緊蕉既死差老........... 計下計下, 8個, 夠人, 開波!!

一開波後, 加滕都來埋, 多左個, 梗係叫佢係出面食下蕉, 等下先, 而且仲叫佢打埋比老鬼, 點知條老鬼原來未起身, 仲好, 順便叫埋醒佢, 一舉兩得!!

今日又係烈日當空下踢波,熱到嘔就梗係, 但大家都踢得好好, 特別係果個開波前飲左"Red Bull"既朋友, 係邊個就唔好講, 我驚人妖會嬲...........

踢到10點半左右, 真係頂唔住, 大家散晒, 淨番幾條友係度傾今晚既事, 最後大家得到共識, 約人既約人, 買野既買野, 最後各散東西!!

返到屋企後, 沖個涼訓陣後, 就夠鐘過去買野食, 去到新港城, 見到老鬼兩公婆, 一隻死差老同埋後join既吊拿聲, 用左一個鐘唔駛就買晒野食, 快!!

買完後, 同豬一齊食左餐飯, 跟住就返屋企先, 上屋企前, 再係惠康買多少少野, 拎到隻狗咁返屋企, 都咪話唔死ar!!

返到去後, 打左陣機, 咁就夠鐘, 加滕同人妖先到我屋企幫手拎野, 本來仲有個孫仔會上來, 但條仆街又舊病復發, 玩遲到............. (屌, 成世人都咁!!) 最後條仆街到埋後, 我地就一起出發去會合老鬼!!

"加滕有義氣地先上我屋企拎野!!"

齊人後, 一齊上巴士, 今次係我地成班第一次見古奶既女友, 唔錯, 佢一定係做社工, 如果唔係, 點會選d咁既傻仔做男友!! 哈哈哈!!

"老鬼兩公婆, 幾有夫妻相!!"

"古奶與做義工的女友- Cindy姐!!"

"兩pair人, 幾和睦!!"

"人妖與加滕 ............ action!!"

我地11點入到去, 爐都唔駛點搵, 大把爐比我地選, 最後選左個有枱既爐, 正!! 可以開始!!

成晚天氣又係好熱, 大家都冇乜胃口食野, 加上又咁夜, 都冇乜胃口食野, 反而傾野既時間多, 特別係我地圍攻今晚既死侍............ 一個死差老, 期間笑料百出, 真係好開心, 燒野食既氣紛係冇乜, 但大家當出來聚下, 咁樣都已經夠la!!

燒到2點左右, 大家就執野走, 出馬路各散東西上的士返屋企, 兩日節目就係咁完, 開心開心!!!

"黎神與第2次見面的May姐!!"

"3個人加一隻魔鬼!!"

"開餐!!"

"拿星 + 老鬼, 原來阿嫂係後面tim!!"

"魔警..........."

"點滴, 點滴!!"

"次次都遲到既孫仔!!"

"真係好有夫妻相!!"

"黎神與傻仔!!"

"兩個傻仔, 比大家估下係邊個!!"

"見唔見有隻鬼ar?? 唔係, 係妖!!??"

"三個靚仔!!"

"都係3個靚仔 + 一個老坑!!"

"成班係度分屍!!"

"黎神再與女友May姐合照!!"