冇用既眼淚～

我今日被好多野煩住。

首先，我今朝成日都被ｄ錢銀問題煩住曬～

終於我決定～我要去做兼職！

但係我一諗到我幾多歲我就即刻冇曬幹勁ｌａ～

我有諗過作個大數去做野ｇｅ～

不過一諗到我要俾身份證佢睇我就ｏ曬咀ｌｕ～囧

下午，我同我舅母佢地一齊去上水。

我冇咩留意佢地，因為我覺得同佢地一齊有ｄ樣衰！

我唔係話我佢地個樣樣衰，而係佢地一講價既時候果ｄ口水真係好難頂ｇｅ～

我地一直行一直都找唔到果ｄ佢地認為”好”既野。

我地行左好耐，終於都要返屋企ｌａ～

本來以為返到屋企可以舒服ｄｌａ～

點知一返到去先至係惡夢既開始呀！囧

我一返到屋企就即刻走左去開電腦ｌａ～

係我玩得好開心既時候，我亞媽佢返左黎。

佢坐係梳發一陣，佢就同我講：

做咩唔去教會呀？

我就話：你叫我去我咪去囉！

之後佢就好唔高興咁走左過黎，之後就係度話我ｌａ！

話我咩：一返到呢，就返房玩電腦！又唔幫下手做下家務！

　　　　重要我半條人命黎幫你做野！

　　　　你係唔係好唔想我係度呀？我知你一直都唔想同我住呀！

　　　　咁你咪走囉！我開定個門俾你．．．．．

講左好多好多野，我都唔記得ｌａ，我一邊聽既時候，我一邊係度流眼淚。

心一邊係度諗：我會叻俾你睇！我會自己兼錢唔洗你養！我會自己供部電腦！唔會衰俾你睇！

我一直聽佢講好耐，一邊為左唔好流眼淚而捏自己大脾～

就係咁，過左好耐亞媽佢出左去！佢出去前重話我間房亂。

我就即刻攞個袋，攞曬一ｄ我都唔知有冇用既野出黎扔去袋度！

我一直扔一直扔，突然我電話響呀！

我一聽係我老豆呀！

唔知點解我一聽到老豆把ｖｏｉｃｅ，

我就即刻喊左出黎ｌａ～好想同老豆一齊住呀！