瞬眼間 ...

已經兩歲了。

回想起過去的兩年，相比起，太后已經不算湊得辛苦了，皇上基本上吃和訓也沒有大問題，遺憾的是太后給太少人奶給皇上，慶幸他只是小病了一次，但相信下星期開學，就會難免生病，太后已經預備好迎接這個挑戰了。

生日當天，太后和太上皇都給了利是皇上，連宮女也入鄉隨俗，給了一封利是給皇上呢，希望他健康快樂地成長，我們已經心滿意足了。

叫他笑，他就鬼鬼馬馬，表情多多，氹得人不知好笑定好嬲。

晚上太后和皇上枕邊閒談，給了太后一個驚喜，太后都是隨便問問，沒想到皇上真的識答呢。

太后: 今日有冇返學呀？

皇上: 有

太后: 咁返學做 D 乜呀?

皇上: 返學玩車車

太后: 玩車車呀，咁仲有呢?

皇上: 仲有玩 sir 滑梯

太后: sir 滑梯好唔好玩呀?

皇上: 好玩

太后: 咁玩完 sir 滑梯呢?

皇上: 食蛋糕

太后: 食蛋糕呀，個蛋糕好唔好食呀?

皇上: 好食

太后: 咁今日邊個同你返學架?

皇上: 姐姐