曼谷自由行 Day 4

今日大約7:30起身,見到外面的天氣麻麻地

密雲,想落雨咁,之後我哋都係照常落樓下食返個靚早餐

今日我哋揀咗坐外面,初時天氣麻麻地,但坐坐吓就開始出太陽啦

食完早餐後,照例上房執一執嘢,然後出發往Phrom Phong站附近的

Divana nurture spa度做massage,我哋約咗11:00

去到時間剛剛好,呢間spa出面有一間餐廳,我哋要先經過餐廳

再行一小段有樹蔭的路,先可去到做spa的地方

呢間spa的職員很殷勤地招呼我哋坐下,然後攞咗2杯凍茶招呼我哋

之後再介紹佢哋唔同種類的massage

最後我哋揀咗個香薰按摩,收費係100min/1650銖

職員帶我哋入到房後,先介紹2位按摩師給我們認識

然後著我們換衫,換衫後再搖鈴,2位按摩師便會入來

這2位按摩師的手勢非常好,舒服到我瞓著咗

按完後房入面仲有佢哋自家品牌的沐浴露,shampoo,另外還有一地護膚品

供客人使用,我都有試過佢哋d嘢,都唔錯幾好用喎

出去後原來嗰2位按摩師還在房門前等我們,準備送我們出去

招呼果然週到

之後我哋仲係佢哋間餐廳到食埋午餐添

佢哋ge午餐價錢唔算太貴,但味道卻很好,而且份量都很大

其實總體嚟講,呢間spa的服務,環境及按摩師的手勢均係一流

值得推介.

食飽飽後,我哋再坐返BTS去Shopping,今次的目標係Big C

係呢度你想衫褲鞋襪,家庭用品,食品都有,仲要係價廉物美添

我哋係度掃咗唔少嘢,初時諗住只係行1小時就返酒店食High Tea

點知最後都係放棄咗,繼續係度掃貨

行完Big C之後,我哋就攞住重到死的戰利品行去附近的一個商場

因為我哋想去埋林真香度買手信,但當時己經是8點幾

呢個商場的舖頭大部份己經關門

但好彩我哋要搵ge林真香仲做緊生意

買完手信後,我哋就更加重上加重

但都冇辦法啦,鬼叫自己買咁多嘢咩,然後都係行返去搭BTS返酒店

返到酒店後,我哋最終都決定放棄唔去State Tower度睇夜景

因為當時已差不多10:00,加上我哋仲未食晚餐,而且明天便要走啦

所以今晚要留返響酒店都執嘢

我哋今晚的晚餐係留響酒店度食個杯麵就算啦

之後就好忙咁係度執嘢,執執吓發覺出面好大聲喎

原來係落大雨啊,好彩冇去State Tower啫,如果唔係咪變落湯雞

我哋今晚執嘢執到差不多12:00先至瞓,超累啊!