澳門之旅 Day1

今日我哋一行人,係中港城搭11:00的船出發

去到澳門大約12:30左右啦,之後我哋就坐車往酒店出發

我哋今次會住我很喜歡的萊斯酒店,其實數年前來澳門時

看見這間酒店的外型,己經超喜歡了,所以今次可以入埋去住

真係好開心啊~

我哋大約1:00去到酒店,但職員說未有房間比我哋,所以我哋只好放下行李

然後出去先吃個午餐,酒店送了我們每人$100的餐券,而剛巧這張餐券

可以係漁人碼頭入面的非洲村內用,所以我哋就決定去食嗰個半自助午餐了

這個半自助午餐,有四款主菜揀,我最後叫咗個什扒餐,

另外沙律,餐湯及甜品就係任攞的,雖然這裡的食物款式不是很多

但個餐湯就很好喝

賣單我哋只係比咗嗰4張餐券就OK啦,唔駛再補錢~

食飽飽後我哋折返酒店攞房,然後就上房hea咗一輪,影相,

因為我哋要求要sea view的房,所以望出個景好靚呀~

我哋係房度影個不停

影完相後,我哋出發去通訊博物館度參觀

呢度個入場費係每位$8,買票後每人會獲發一張咭

呢張咭係留嚟等陣有些遊戲要拍咭用後才可以玩的

呢個博物館雖然唔係好大,但都幾好玩,幾好睇的

呢個遊戲係做飛機師

另外仲可以自製郵票同埋自製postcard

玩完後,原本諗去坐的士去二龍喉公園的,但可能當時係交更時間

所以截唔到的士,但後來又比我哋誤打誤撞,行吓行吓又行到去喎

之後我哋就搭咗松山纜山,每人只係$2咋,好抵坐

上到去當然係行去燈塔度影靚相啦,雖然嗰日天氣好熱,

但因為個天好藍好清,所以影的相出嚟好靚

影完相後,我哋就徒步行返落山,然後我哋就行去新葡京諗住食自助晚餐

點知行行吓,見到禮記喎,咪走咗入去食咗個雪糕三文治囉

話是話,我去咗咁多次澳門,都係第一次嚟呢度食雪糕架咋

我哋去到新葡京,己經夜晚7:30,但去到時己經滿坐,而我哋又冇book位,所以無得食

之後我哋就再行去金莎,問吓有冇位食buffet,咁好彩呢度又有位喎

但這裡的buffet 我只覺得一般啫,所以冇特別影相

食飽後都己經10:00,但我哋又食得好飽,所以決定行一陣才返酒店

我哋行吓行吓去咗美高梅,逛咗一陣影咗幾張相之後,就再去賭場睇咗一陣

約莫12:00左右返酒店lu