韓國之旅 Day 13 (6/5/2009)

昨晚我哋同女主人約好今天8:00食早餐,但我哋大家都好早己經起咗身,所以

就自己出咗去民宿附近度行吓.其實附近都冇乜特別的景點,但就有很多田,雖

然我哋唔知田裡面種嗰d係乜,但遠望一片綠油油都好舒服.

我哋慢慢行,慢慢影吓相,行咗約一個鐘左右,就返回民宿食早飯.今日ge早飯

同昨晚的晚餐都一樣很豐富,很美味,看得出女主人很用心的煮.

食完早飯後,我哋大約10:30左右就出發去參觀,女主人今次帶我們去咗一個沙

灘,呢個沙灘的海岸線很長,水亦很清,非常之靚,簡直可以媲美馬來西亞的沙灘.

行完沙灘後,女主人就帶咗我哋去咗一個生態博物館度參觀,呢個博物館好大,

但我哋去到ge時候就一個人都冇,連職員都唔見.

於是女主人就叫我哋係門口度等,然後她就入去博物館裡找職員,隔咗一陣之後

有一位"阿芝媽"出嚟,叫我哋係售票機度買票,買完票後我哋就自已入內參觀,但

呢個博物館內的展板都係只有韓文字,所以我哋都睇唔明,所以好快就參觀完畢,

之後我哋就再去咗一個resort度參觀,呢個resort起響個沙灘ge另一邊,所以風景

都很靚,但因為我哋之前已經在沙灘影過相,所以好快我哋就離開啦~

我哋返到民宿之後都差不多12:00,要準備收拾行李離開啦,因為呢個女主人實

在太好人,所以現在要離開都覺得很不捨得,我哋在屋前同女主人影相,而女主

人就好努力攞本韓中翻譯的書出嚟問我哋一些問題,但最後都係不得要領,之後

唯有打去information度找翻譯,原來女主人想問我哋在這裡玩得開唔開心,

於是我哋同information度講話叫佢幫我哋多謝他們一家,因為佢實在太好了,帶我們

到處遊玩之餘,還免費替我們準備晚餐及早飯,實在感激她.

女主人聽完之後很開心,之後她的丈夫剛駕車回來,我哋唯有帶著依依不捨的心情

坐她丈夫的車離開.

到達碼頭後己經見到長長的車龍在排隊上船,我哋下車去買船票,初時男主人不肯

給我們買票,後來我哋堅持之下,他才肯讓我們比錢買票.

今次是我第一次乘車坐渡輪,感覺很新鮮,短短的15分鐘船程很快就過,之後就繼續

乘男主人的車到光州.

在車程中主人的兒子又再次打來,原來是女主人再次托兒子問我哋是否玩得開心,

我哋再三表示玩得很開心,而且非常感激他們,希望下次有機會可以再到曾島遊玩.

男主人也非常客氣,在車程中途在一個油站下停車,然後買咗幾杯咖啡請我哋飲.

我哋大約坐咗1.5小時後,就到達光州了,落車後再三向男主人道謝後,我們就再去

車站的information問嘢.因為我哋今晚想食韓國燒烤,所以想佢哋介紹吓.

另外我哋仲去咗附近買咗張Thank you card請information的職員幫我哋寫上感謝的

字句,然後再去買郵票寄回給民宿主人夫婦.感謝她們的熱情招待.

問完後,Terri話想去電髮,所以我哋就去咗E Mart裡的髮型屋去,去到之後因為同

裡面的職員溝通唔到,於是我哋又係打去information度找翻譯,攪咗一輪之後,終

於都講清楚究竟想做乜,之後就埋去睇相揀髮型,大約2小時左右就攪掂咗.

電完髮後我哋就搭咗的士返酒店休息一陣,之後就想出去食韓國燒烤,這間餐

廳就在我們酒店的附近,行咗一陣就搵到.

入到去見到個餐牌,大部份都係牛肉類,我哋初時點咗2份牛肉,但原來份量得好

少,之後我哋再點多一份牛肉,另外再叫多2份韓定食.

其實呢間餐廳的食物都是一般,沒甚麼特別,我反而覺得香港有些韓國燒烤仲

好食

食飽後,我哋就返酒店收拾行李,因為明天下午我們就要離開光州返回首爾了.