韓國之旅~~Day 7 (30/4/2009)

今日因為要往青山島,而我們必須要乘搭7:45的巴士往莞島,所以之前一晚我哋就

通知咗酒店,我哋今日7:00會check out,同埋叫他們幫我哋pack好個早餐,等我哋可

以帶上車食,而我哋就將大件的行李寄存在酒店,只係帶一些日用品及衣服去更換

我們約10:15就去到莞島, 因為我哋班船係11:15開出的,所以仲有少少時間,我哋便

在車站附近吃少少東西,先至坐的士往碼頭.原來坐船往青山島是要經海關登記的

我哋最初唔知道,只是拿著船票就上船,後來閘口職員要我哋在票上填上姓名及

passport no. 之後仲要經海關查核我哋ge passport,先至可以上船.

由莞島往青山島的船程大約需要45 mins,在船上我哋遇到一班"阿芝媽"在船上開餐,

基於我哋八卦的關係,我哋咪走埋去看她們在吃甚麼,結果呢班"阿芝媽"十分熱情,

仲請我們食嘢添,雖然唔知嗰舊綠色ge物體是什麼,但是味道很淡,只有少少的芝

麻味,咬落去"煙煙un un"都幾得意

大約12:00我哋就去到青山島,青山島是入選slow city的其中一個地方,

落船後只見人頭湧湧,我哋想搭巴士前往民宿,但

巴士司機說我哋住的民宿,巴士是不到的,跟住我們只好向警察先生問路,警察

先生於是幫我們打電話往民宿,民宿女主人叫我們在碼頭等,她會駕車來接我們,

等了一陣車就來到了,這位女主人識少許英文,但有時要諗好耐先至講到一句,

但她都非常努力地想用英文跟我們溝通,有時她會寫一些簡單的單字來跟我們

溝通,雖然有時會串錯字,但我們大概都明白她的意思的.

返到民宿,原來這間屋是向海的,而我們四個人有一個單位,裡面有二個房間,其中

一個房間有埋爐頭可供煮食,而我哋問女主人可否提供今晚的晚餐,女主人說每位

收6000圜,我們覺得價錢都算合理,加上四週都沒有食肆,所以就叫她幫我們準備.

安頓後,女主人就車我們到附近的景點,這裡的風景非常之靚,我哋在這裡影咗很

多相,停留咗好耐都唔捨得走,

我哋沿住條路行吓行吓見到一間好靚ge屋,原來這裡曾經拍過一部韓劇叫做

"春日華爾滋"的,我哋起初以為是不許進入的,於是就越過側邊的矮閘入去,

入到去後見到有個職員,佢哋示意話叫我哋入屋參觀,仲比埋

拖鞋我哋著添,入到去間屋真係好靚,入面有個白色的鋼琴,好浪漫呀~

個廚房都同個飯廳都好靚,好童話feel,

之後個職員仲話可以上二樓參觀,嘩上到去仲正,有個小露台,

另外仲有一張好大好大ge床添啊,

我哋又係呢間屋到影相影到

唔捨得走.哈哈!

影咗好耐相,之後我哋就離開呢間屋再係附近行多一陣之後,我哋因為太肚餓

ge關係,因為我哋除咗上船前吃過少少嘢後,都沒有吃過午餐,所以想睇吓附近

會唔會有餐廳,但因為我哋而家係山上面,所以一定要行返落山先至有得食,我哋

沿路折返去間童話屋度,咁啱嗰時有隻昆蟲走咗入我隻眼度啊,攪到我係咁標眼水

剛啱頭先屋入面個職員見到我咁,就即刻過來幫我手將雙昆蟲整返出嚟,真係唔該

晒~

之後我哋沿住有很多屋ge方向行去以為會搵到餐廳,中途見到有一位婆婆及一位

年輕的女士的田裡工作,於是就向她們問路,但因為言語不通,所以佢哋都唔知我哋

想問乜,咁啱有一部私家車經過,駕車ge係一位年青人,田裡的婆婆就把這住年青人叫

住,於是我們便向他問路,這位年青人識得少少英文,知道我們想搵餐廳食嘢,於是他

叫我們在這裡等一等,他返屋企放下少少東西就返來車我們到餐廳,當年青人的車駛

走後,婆婆就很熱情地叫我們下去她的田裡看看,雖然大家言語不通,但看得出婆婆

待人的那份熱誠而及覺得她們很純樸,對人完全沒有介心的.還教我修葺田裡的植物,

等了5分鐘左右,那位年青人回來接我們了,離開前我跟這位婆婆合照,逗得她笑不攏嘴,

上車後,還熱情地跟我們揮手道別.

年青人車我們到碼頭附近的食肆食午餐,正確來說應該是下午茶,我們吃完後,便

在附近閒逛一陣,順便在超市買些乾糧,預備作明天早餐及午餐,買完後,我們要行返

民宿,行咗幾步,有一位"阿芝媽"駕著她的小貨車停在我們旁邊,問我們想去那兒,

於是我們便指指地圖給她看,看後她說可以載我們一程,.去到民宿附近的路口,她就

停車著我們自己行返去,我們向她道謝後便下車自行行返民宿.

因為時間尚早,而女主人亦未準備好晚飯,所以我們便在附近行吓沙灘,看看日落.

行到大約7:00就返去吃晚餐了

今餐的餸菜並不是大魚大肉,而是一般韓國家庭的家常便飯,味道都唔錯,而民宿女

主人跟她的女兒就坐在我們隔籬枱吃飯,感覺很像一家人呢~

吃完飯後,女主人問我們明天想去那個景點及要坐幾點船回莞島.她表示可以車我

們到景點去及將行李寄存在她爸爸的屋內,因她爸爸是住在碼頭附近的,方便我們

玩完之後不用再回來取行李.

我們跟她約好明天出發的時間,之後再跟她閒聊一陣,原來她屋子隔籬的是工廠,她

們是做紫菜的,傾談咗一陣,跟女主人拍了幾張照後,我哋就返回自已的屋子.

原來我哋今晚住ge呢間屋之前都拍過韓劇的,雖然我唔知套韓劇叫咩名,但就見到

屋主放咗好多劇照係度比人睇囉.嗰晚因為無乜地方可以行街,所以我哋都好早

瞓囉~