究竟發生咩事？ Part II

好遲先開估，真係唔好意思啦！因為我實在好忙、好忙呀！下個禮拜又會返香港兩個星期，所以我都唔會有時間 update 個 blog 啦！

有好多朋友女同朋友仔都估中咗，佢地的確係猶太人，但係唔係個個猶太人都會著成咁出街，佢地其實係 Hasidic Jewish（屬於 Haredi Judaism），係 Orthodox Judaism 其中一個支派。

現時全球大約有 500 萬 Hasidic Jews，不過佢地係紐約（尤其 Brooklyn）嘅數目比以色列更多。佢地咁古怪嘅衣著打扮由 18 世紀一直流傳到今時今日，男人平日一定要著黑色長袍 Rekelekh（點解要係黑色呢？因為話說 18 世紀嘅時候有一日，佢地個領袖認為佢地只可以著黑色，或者深藍色嘅衫，唔可以比外族嘅鮮色衫污染佢地嘅信仰喎~），只有節日先可以著黑色絲質長袍。佢地頂帽叫 Shtreimel，係結咗婚嘅男人每逢節日會戴嘅帽嚟，頂帽係由 genuine fur 或 American gray fox 造成，好貴㗎！由 US1,000 到 US 5,000 不等，係佢地個衣櫃裡面最貴嘅配飾啦！通常個仔結婚嘅時候，佢阿爸會買比佢嘅；頭髮呢，兩側嘅曲髮同鬚係要留長嘅，但係就會剃其餘嘅頭髮。（係咪好醜怪呢？）

至於女人呢，基本上係沉色嘅長裙，兩邊袖要遮蓋過手踭位置；結咗婚嘅女人要蓋住自己嘅頭髮，所以好多時見到佢地用頭巾包住個頭，又或者去幫襯買假髮嘅舖頭（係咪又係好奇怪呢？點解可以戴假髮而唔可以比人睇到真嘅頭髮？！）

佢地咁古怪，當然好難同外界接觸啦！（基本上係無乜可能可以同外界接觸），所以好自然大家都估到佢地係通婚族啦！由於好多家族通婚，佢地又會生好多細路，好多時都見到啲小朋友係有蒙古症嘅（行過佢地嘅社區，有問題嘅小朋友真係好多，好似集中營咁，你去唐人街呀、Harlem 呀，好難先會見到~）

至於我果日究竟係邊呢？就係 Brooklyn 嘅 Botanic Garden 啦！點解佢地會出現係 Botanic Garden 呢？我估係因為果個禮拜係猶太人其中一個重要節日 Pass- Over 嘅關係，所以平時唔會見到佢地嘅地方，竟然佈滿佢地嘅腳毛！

希望 11 月會有時間 update 個 blog 同探大家啦！