日落@下白泥

我地一行四人第一次入下白泥。先去到元朗西鐵站再行出市中心轉33號小巴，車程都要起碼半個鐘！

本身感冒的我一落車仲係好暈車浪，要搽油定定神先至好番少少！

首先我地由小巴站旁的士多，準備行入泥灘

點知水漲，根本冇泥地俾我地落腳架

於是我地立即出番車路向回頭路行，好彩係約五分鐘步程左右（係太陽落晒山之前）我地成功到咗泥地喇！

我地一直影呀影，直到天都黑齊就漫步返小巴總站準備回程啦

點知去到小巴站，我地前面條隊足足有一百人有多..............

最終我地排咗一個鐘先上到小巴返出元朗市中心，一個二個都好肚餓所以我地決定放棄要排長龍的＂大榮華＂而去咗千色店後面的大排檔食

食完相當飽但仍死心不息要食甜品先肯走

好開心發現咗元朗新開了＂小樽甜品屋＂，我當然又係食咗我最愛嘅＂山手線＂啦（雖然感冒....都冇有怕）！

食完就搭西鐵返屋企咯！

之後係重陽假期，要認認真真留係屋企休息喇！

呢次係我第一次自己＂拎＂同＂咩＂相機出街，雖然冇帶額外鏡頭......但我返到屋企之後個膊頭痛咗好幾日呀！所以呢下之再出去影相又唔揸車的話，我都真係要諗清楚係咪要自己＂咩＂多部機呀！