網誌分類：向世界出發 |
圖片
網誌日期：2009-12-19 22:27
12月11日（星期五）
＜前傳＞
原本是次墾丁之旅係安排係聖誕假期，而且同行的仲有Ivy & Gloria's family嘅！
我曾經為咗終於能再有機會同同學一齊去旅行而感到雀躍之際，突然收到Gloria通知佢hubby公司要佢聖誕做野.......咁冇法啦，book晒機位都冇計。大計告吹，唯有希望下次我地短期內可以成行啦！（Gloria... 好似話差我地一餐飯呀呵？！）
既然淨番我地一家四個自己人，出發的日子自然就更加有彈性啦......
考慮到聖誕前後的機票同住宿都會較平日貴，所以我地最後決定提早係月中成行。只係機票每人都已慳到HK$500喇！
機票都係經我的agent買，雖然我地冇經佢買住宿....佢好好都offer咗團體飛俾我地。所以比係港龍網上book的仲要平HK$2xx (ie. ~HK$1,800 per ticket taxes inclusive)
住宿同墾丁包車方面都係由我全權負責，全部係網上搵料再用email同民宿及包車公司聯絡。
＊民宿方面我地住咗呢三間：
墾丁：卡米克民宿
http://hk.myblog.yahoo.com/jw!zkQY2WyaGyhRdpD3JvZ69BSUjtWdqrnjtcOF/article?mid=4065
墾丁：國境之南
高雄：希臘風情
＊包車方面我地搵咗＂東方足跡＂的團長東方
行程方面去之前真係冇咩做功課，帶咗兩本旅遊書同埋去之前睇咗少少其他blog友的blog！就係咁多...............就輕輕鬆鬆上機喇！反正有咩去到先問都唔遲，言語上完全溝通到嘛！
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
我地搭嘅係8:55am往高雄的機......
我同尹生搭咗7:15am的機場巴士由屋企.............出發！
青馬大橋上的海景
約7:45am到機場，與Choco婆婆會合！
等埋我細佬就check-in，因為大家有點遲所以唔係好夠時間係機場食早餐。唯有等待機上應該都唔係幾好食的點心飛機餐！
今次搭的係比較舊的air-bus，椅背冇電視.....機程只一個鐘，飛機舊同冇電視本來並唔係一個問題！眨吓眼就到啦，安全到埗就ok.......但好唔好彩，過咗九點都仲未起飛；機師廣播通知我地系統故障會需要約十分鐘時間修理，我地就係咁等了又等.....係機入面見佢係咁係度reboot個系統（座位頭頂上面安全帶同禁煙果D燈呢！）終於去到好似有10:20am先正式起飛！足足遲咗個幾鐘呀！
係11:35am，我地終於到高雄！遠遠最高的就係85大樓喇
高雄的氣溫有28度，我地都開始＂脫＂！
我地遲咗咁耐，真係讓我地的包車司機＂東方＂苦等了！東方仲講笑早知我地遲就走去睇場movie先都仲得！
剛上車同東方溝通咗陣，覺得佢講的國語我完全聽得到（沒有台語或其他鄉音）而佢都能聽懂我地幾個的＂唔標準＂國語。真係好！呢兩日有咩問題都可以隨時問他了！
由高雄到恆春，車程要大概兩個鐘。所以一到埗我地就即刻去醫肚！
東方帶咗我地去後壁湖的恆春區漁會大樓食海鮮。（係入門口左手邊第一間）
老實講，起初對呢度（始終都唔係日本）的魚生信心唔係咁大，加上係行程的第一日，怕食得太多會腸胃唔舒服ruin咗成個假期，所以只係食咗呢度咁多就冇再嗌
但其實佢地D魚生都真係好新鮮，而且價錢真係相當相當平架！咁抵食，真係早知再嗌多兩碟！
以上咁多野食咗我地HK$300左右
食肆的前面會賣海鮮，仲放咗好多魚眼！好大隻....我諗係屬於好大的魚嘅！
恆春區漁會大樓外我地同東方合照（右二）
第一個景點就係係後壁湖附近的一個小沙灘
藍天白雲加上綠水，呢到真係好靚呀！
相中有一隻蟹，搵到嗎？
東方說呢個沙灘有＂星沙＂（即星形的沙），可惜我找了一陣子都冇發現！
待續................
台灣墾丁旅遊達人 2009-12-23 19:27
很棒的遊記分享謝謝.
不過你們沒去旗津或林邊吃海鮮或是東港
那是很可惜的.我也是專門帶香港朋友的陳經理
歡迎有機會到我BLOG看看
Lomy 2009-12-21 23:16