雲端跌落凡間（下）

近年，時常聽到公立醫院資深醫生「流失」、「大逃亡」的所謂「新聞」。事實上，只要稍有理性及持平地這些現象，便知道歸根究底，很大程度是「市場供求」的問題。（注意：本文旨在分析「醫生」與「市場」的關係，公私營醫療市場失衡問題，稍後再探討。）

先由最近收到的一張醫生開業的請帖說起。

Martin的經歷，是典型的「醫生生涯路線圖」。

他畢業後，加入HA（醫管局），一邊捱，一邊讀書，最後考得General Surgery（外科，行內俗稱「普外」）的專科資格後捱多陣有人挖角，自己出來在某大私家醫院做resident（駐院醫生），慢慢「儲症」（行內術語，即累積病人），近來收到他的開業請帖，終於自己開檔。

「做公立醫院醫生，每月有固定薪酬，有番咁上下年資，做到中層，大大話話每月梗度收十幾萬。私家執業，風大雨大，收入唔穩定。所謂樹大好遮陰，如果出邊唔係好景，又或者自己無番咁上下斤量，點會走出去開檔。」Martin一口氣道。

「好似我做Surgeon（外科醫生），一個手術少則一萬幾千，多則十萬八萬，每個月搵十幾萬，甚至多過HA的人工，並唔係難事。講到底，最緊要自己有料，其次是勇氣走出來，始終做生意（即私家執業）都係有風險。咁睇你對自己幾有信心囉。邊得嚟咁多逃亡！有求必有供，市場定律也。」

你可能覺得Martin得戚，但他說的都是事實。道理很簡單，任何階層、教育程度，只是你是打工仔，就會明白。

情況１．公立醫院醫生都是受僱人士，出面好景就跳槽，跟你我一樣。出邊唔好景，就算公司（醫院）幾辛苦，但個個月有糧出（都要唔算低人工，由幾萬至廿幾萬不等），梗係踢都唔走啦。

情況２．決定私人執業，就同打工仔轉做老闆，決定自己搞生意一樣，當然衡量過，知自己有斤量在市場同人較量，覺得有賺，先會出大海搵食。

雖然，經濟逆轉，但就像其他「感人至深發奮香港仔女」的故事一樣，只要有勇氣，肯放低昔日的光環，離開固有的環境，醫生也可以找在商業市場內找到自己定位之餘，亦無損其專業的水平。（….待續）

dr.anyone(不是大夫-4)