八號風球見到真正狗渣

2008年9月23日。颱風黑格比吹襲香港，天文台响中午時段公佈將會在四點至六點日落時分改掛8號風球。

身為人類，除了顧及自身外，也應該顧及別人既安全，依種為己為人既本能，唔係人類獨有，連猫猫狗狗甚至各種生物都識。所以，正常來說，一般公司既老細都會關心員工生命安全，而提早一兩個鐘放人走，以免佢地冇車搭。

有D粉人老細，好Q小器，一分鐘都唔會放你走，要到真係掛八號先放人，依D真係連狗都不如，我D朋友好多都好幸運遇唔到依類粉人。講真，依D人好明顯唔會攞個人心黎對人，小心收尾果兩年。

至於我老細，佢以前一直比我列入粉人行列。每逢過冬、做節、年三十晚等等重要節日一律不得放早，中國人節日佢就係西人，西方人節日佢就係中國人，正負得負，負正得負，點計起黎都係一個粉人。一直睇住佢點衰既我，一早遇左佢唔會比人早放番屋企，所以我地都預左六點鐘一掛8號咪走囉，堂堂正正走人，唔使佢施捨同扮好人。

四點….五點…..六點，終於响六點過少少掛左8號波。佢真係連扮好人都費事，我地無理佢，個個都執野閃，我都諗住去完廁所就閃，點知依個時候，粉人攞住個幾鐘頭前收到既FAX，叫我留步阻多我少少時間，大家研究下點解決FAX裏面既問題 (其實果樣唔需要立即解決)。佢仲要熄左個收音機，好想我唔知係8號波，佢都低能既，我上網一早睇左啦。結果，明明六點閃，比佢拖到我六點廿幾分先走到，走既時候仲要做左一幅唔滿意我咁早走既樣，正人渣。

叫佢做人渣其實比左面佢，因為都有個人字，我咁大個人除左佢之外，都未見過D渣滓處處斤斤計較、小器、容人量低、信唔過人…..，總之，佢已經由粉人進化左做渣滓。都唔明佢乜野心態，好似只要阻到人地，見到人地唔順氣，佢就會好開心咁。平時都算，話哂佢係我老細，順下佢意，比下佢玩下就有錢收，佢又玩得開心，何落而不為?? 點知佢連依D隨時會死人既關鍵時刻都玩，好彩我搭到車，遲多一陣個風真係打得好Q勁，乜都吹郁哂，連巴士站牌都吹跌左。佢當然唔會理我地生命安全啦，佢一來有車，二來佢一心覺得我地諗八號風有得舒舒服服咁走，唔服氣囉。狗渣，有車大哂咩? 鬼唔望佢渣渣下車突然支交通燈吹跌左扎爆佢架車。

下個星期有個風會接近，希望能夠大報復。