和妹妹去太古城

昨天和妹妹佢地飲茶，佢已經問我幾時唔駛跳舞，諗住約我食飯行街，我話今明兩天都ｏｋ，今日打比佢問佢是否出，因為佢已經回到家了，而且我和她都是TST返工，都想約另一個地方，而且康怡 Jusco裝修好，都想去行吓，雖然荃灣都有Jusco，但無supermarket, 康怡個Jusco最正係supermarket，好多野食。

我們第一樣就是食超群的雞蛋仔，我之前响荃灣的超群食過，覺得好正，也介紹給blog友，但佢話行過２次都無，後來佢問過才知要有牌才可賣，所以荃灣的超群現時只有麵包賣，但都唔平呀，我之前食是$11, 現時要$13元了，但真係幾正，平時响咗敦同TST食開有２間都好食的，但我覺得超群的就更正了。

跟住見到supermarket有ｄ燒豬仔骨都好正咁，本來我地想要的，但因唔切，咁點食，所以買了燒雞腿，都ｏｋ啦，ｄ肉唔夠滑，但ｄ汁都幾好味。

之後我們上咗樓上行一陣，實在好飽，要休息一會才可再食，行完了，我們又再買了pncake食，嘩，今日又係超飽呀，個肚漲卜卜。