裙褂

上個星期五早上有少少唔舒服.. 請左SL打算抖下, 不過又醒起自己其實有好多野未攪... 所以叫左媽咪陪我去睇裙褂.

之前有睇過人地著 cocoon 既 modern 裙褂好靚..不過租都唔平, 而且我0係結婚小節裡面, 其實係一個鍾意乜都跟足傳統既人, 所以都係揀返傳統裙褂.
出發之前做足功課, 在 google map mark低晒四大裙褂店既地址. 原來都係順住條上海街行就得.
我揀裙褂都有策略架窩, 要由中檔開始睇起. 千祈唔好第一間就衝入冠南華! 我驚之後睇其他舖既都睇唔上眼丫嘛...
甘由美華開始先啦.

美華:
有好多裙褂, 選擇算多.
第一次我試左中五福, 大五福. 全部都好新淨, 0的金銀線都夠閃. 
Serve我0個位應該係鄧太. 幾nice. 任我試.

美華繡莊
旺角上海街625號地下

------------------------------------------------------
錦發:
最唔掂. 服務態度: 個男人OK, 個女既黑面!
褂選擇已經少, 仲要唔係好想拎出黎比我地睇.  我同個女人講話我想睇下佢地既褂王, 佢一句彈埋黎話: 你著唔起架喇, 你甘細粒! 就算我地有都唔岩你著啦!
聽到真係火滾! 我再叫佢攞比我睇下個款啦佢都唔肯. 甘我都廢事浪費我同媽咪既時間啦!
By the way, 我係有試過佢地既大五福. 不過一打開個鐵盒我同媽咪已經唔鍾意.. 件褂好殘, 0的銀線變左灰灰地色! 算罷啦!!!

錦發繡品公司
電話: 2385 0187
地址: 旺角 上海街523號地下

-------------------------------------------------------
永隆:
幾多褂. 選擇一般. 唔知係咪已經試左幾件, 開始覺得所有既大五福都係差唔多樣.
褂都幾新淨. 當日仲見到有個姨姨0係度修理緊件裙褂添.
同佢講想試下褂王, 個姨姨都有話我細粒, 未必 carry得到, 不過都拎比我睇.
褂王係繡滿晒金線銀線, 睇起上黎真係好華麗!
試上身, 嘩! 好靚呀! 唔係淨係我覺得呀, 係媽咪同埋0個個姨姨都話靚! 佢仲話估唔到我carry得起0的甘多金銀線既褂.
租: $1,500.
媽咪同我打眼式叫我唔好甘心急卜搥住.. 再睇埋冠南華先.

永隆繡莊
電話: 2780 3007
地址: 油麻地 上海街361號

-------------------------------------------------------
冠南華:
其實我未去之前已經知道呢間係貴野. 租套褂都要幾千銀.. 不過我又真係好想去見識下佢地0的褂有幾甘閃..
款式當然係多啦. 有本相簿比你慢慢睇慢慢揀.
服務都係very good. 佢地對裙褂有專業既知識.

我試左大五福 (佢話 = 褂后), 幾靚. 不過我覺得我著紅色有0的娘..
跟住再試下褂王.. 同永隆件褂王比, 佢係金0的. 不過竟然比我發現有披口!!! 租價: $4500! 嘩~~

阿ney都有試, 試左套瑪褂. 好攪笑呀~  租價: $1500!

之後我地話要諗下先, 因為真係唔平... 甘佢都有減0的價比我地... 不過都係貴丫..
最後我淨係0係呢到買左套摩登褂, 打算當晚0係酒店斟茶著.

冠南華公司
電話: 2381 4866
九龍彌敦道383號平安大廈地下 16-16A