新界東北毅行之旅 -- 鎖羅盆 (下集)

好耐沒有update個blog, 都怪自己太懶惰~

上回講到我們都已經行到筋疲力盡而且已經是下午4點多...
Will叔和7哥的水亦已經差不多渴光光... 好彩我們再行多20mins 之後就到達一個補給站 -- 松記.
我們在這裡買水及坐低好好休息一下. 就在這時發生了一段好笑的小插曲...
當我們在松記買了些渴的 坐下休息抖下腳的時候, 老闆走過來問我們要不要吃點東西例如海鮮之類... 之後他就開始hardsell 他們的蜆是怎樣獨一無二, 什麼全香港也吃不到這麼好吃的蜆呀.. 以下是對話記錄:

老闆: 我地0的蜆真係好靚架, 包保你未食過甘好味既蜆, 係全香港都食唔到甘正既蜆窩!

我: 甘你地0的蜆有乜野甘特別過人之處呢? 係咪特別大隻0的, 肥0的架?

老闆: 我地0的蜆洗得好乾淨架, 一粒沙都冇架!

我: ....... (無言...甘我自己去街市買0的蜆返黎浸佢3-4個鐘等佢吐晒0的沙都係好乾淨啦..換句話說我都可以整到全香港最好味既蜆!)

老闆: 點呀? 要唔要試下我地0的蜆?

我: 甘點整呀?

老闆: 白烚啦! 最出名架喇!

跟住我地全台人都冇出聲... 我心諗這個老闆係唔係想攪0的爛gag引我地笑...

之後個老闆見我地唔出聲, 又問我地要唔要食乳鴿... 同樣又係讚到自己0的乳鴿點樣天上有地下冇... 又話自己0的鴿係野生鴿呀...etc..
最後我地都好有禮貌地婉拒左老闆既推銷喇... 甘佢都冇理我地, 由得我地坐下休息下啦....

隔左一陣, 有一對年輕既情侶黎坐低.. 個老闆又sell佢地食蜆, 乳鴿...今次呢對情侶就落嗒喇, 幫襯老闆叫左幾味菜... 之後最攪笑既事發生喇: 個老闆竟然同對情侶講: 拿, 你地就識食啦! 0個邊班人唔識食又冇你地甘好口福喇...

我地聽到之後真係又好嬲又好笑! 阿ney還想去反駁那個老闆.. 不過算啦. 呢個世界上乜人都有. 可能佢成日都哩埋0係甘山卡啦既地方, 好少機會出去見識下乜野叫美食啦..
既然佢活在自己既世界甘開心咪由得佢囉.

抖夠之後我地又出發...要行快0的喇, 唔係趕唔到尾班小巴...

遠看這條村還以為有人住的... 點知行到過黎先發現原來又是一條廢村... 有點恐佈..


已荒廢的小學

有沒有看到很多蝌蚪?


這棵樹的根與房子的牆二合為一


遊人留下的詩遊記! (破壞公物是不要得的行為喔~)


嘩, 我們去到邊境啦~~ 很快就到終點喇!!


行了9小時, 到達終點!

後記: 今次的行山之旅最難忘是高溫及長途! 難度是一般啦, 現在回想起來其實也不是很辛苦.. 只是悶熱比較慘.

未出發之前, 我們做了很多資料搜集. 網上面有很多rumors令我們覺得鎖羅盆這個地方很神秘. 經過我們今次親身去過這個地方之後, 發覺其實所謂的詭秘和恐怖都應該只是我們自己心裡製造出來的.
不過, 如果選擇夜晚去探訪這個地方的話又另作別論啦~ hahahaha...

新界東北毅行之旅 -- 鎖羅盆  --完--