翡翠拉麵@DVD機

星期日一早起身就預備拎報紙雜誌去賣，推成車落

街都係賣得$14都唔知佢有呃我，不過算啦唔賣扔咗

去又嘥晒亦都無理由擺係度~賣完報紙雜誌就返屋企

煮早餐食，之後又係執屋時間，攪掂都要幾個鐘跟

住就係度hea啦 ~ 到5點幾我哋去咗九龍灣德福，今

次C佬話食多次翡翠拉麵同埋買DVD機，我哋首先去

翡翠拉麵醫肚，今次我哋都食咗好多嘢有雞絲粉皮、

上海炒粗麵、四川酸辣湯、炸醬拉麵、上海小籠飽、

煎鮮肉鍋貼、酸辣湯拉麵、豆沙鍋餅..

之後我哋去咗百佬匯買咗部DVD機跟住就返屋企，

其實我哋都係出咗去2個幾鐘不過我同C佬食完都覺

得唔舒服所以未嗱嗱聲走好彩仔女無唔舒服ji~

P.S.到達麵館既時候有段小插曲，有個經理同我哋講

得1個鐘頭時間，咁我問佢 點解?間舖而家都無人點

解得1個鐘時間，佢話俾人book晒，又無攪錯你哋無

做 walk in客，個個客都知你哋哩到電話，咁我未問

經理如果1個鐘食唔晒咁你會唔會趕我哋走，佢話過

一陣都唔會趕既，我即時同佢講如果你趕我哋走我咪

唔 俾錢囉，跟住佢無答我我亦都無同佢再討論哩個話

題 ~ 當我哋每食完一碟佢 就有人企係你隔離即刻收

碟，嘩...使唔使快到咁，唔怪之得1個鐘要你走， 到

最後我都頂唔順要出聲佢話即刻收晒D嘢係諗住俾我

坐得舒服D，我同個服務員講你可唔可以唔好企係我

隔離，我過一陣都走...佢就答我驚我哋無茶飲 諗住

可以隨時加茶，OK俾你講得通，咁我同佢講我哋唔飲

茶你可以行開啦到最後我哋都賣單走啦...