早排去台灣，買了本哲學入門，對哲學的課目之廣泛，目瞪口呆！
今次源於下面的連結而來的，題目為 "如何解悶" :
http://www.discuss.com.hk/viewthread.php?tid=8124884&extra=page%3D2
開頭以為講些不著邊際的解悶方法，點知.......人的思想方法方向，真的好多樣化的呢！正！
以下有些節錄，供大家分享下先！
1) (九五搭八！)
悶...
係感覺到空虛; 人通常會設法填補這個空洞
... 但係只係治標
真正治本要接受這個 "空"
咁就要靜心啦
2) (解決方法) 用宗教力量，那是壓制，其實和其他解悶方法冇分別
3) (悶，有動機，亦或是無動機呢？=> 小弟覺得 "無" ！)
" 認真的想，我覺得人悶的時候多數是因為冇動機的
動機主要是來自需求
找到自己的真正需求，然後想辦法去滿足便冇咁悶了 "
=> 問題就係，好多時悶係冇動機冇需求
=> 我直覺又覺得唔係wor，我悶的時候好像總是期望一些有意義的事情
=> 期望就是為自已制造目標，一種不知能否達成的幻得幻失，就係之前所講，為自已墮入永不滿足的期望中，才能不悶
例如，溝完一條女，又轉溝另一條女
4) (悶 的例子) 夜蘭人靜，住大屋妻兒安睡，無所欲求，一樣會悶
所以有錢人都要出來搞政治，做特首，就係怕悶
5) (悶 的例子 - 回應的，好有 SENSE ！) "做皇帝都會悶，唔係點諗那些炮烙之刑來解悶"
=> 你的example，好似唔係好中．．．
炮烙之刑未必出於悶， 可以出於其他理由．．．．
6) (九五搭八！)
會悶， 係因為不安於現狀，
咩都唔想追求，又覺得悶，可能係唔清楚想追求的目標
7) (#38) (悶的來由，D圖好得意！)
煩悶
8) (性層面) 個教授因為悶就同學生發生關系
好似唔係因為悶喎
9) (性層面) "包不同 : 如果stephy訓係你隔離就唔會悶
"
=> 係呀
但我怕訓一晚又想angelababy
點解無人從存在與虛無/存在與時間的角度來看?
悶即係空虛, 人一空虛就周身不自在
用海德格的觀點來看, 我們知道生有涯, 因此產生存在的焦慮
潛意識底下我們都知道停留於時空中無所事事會有不安感
那是因為我們自然而然地知道生命有期限, 先對死亡感到恐懼
後對空虛感到焦慮, 一無所事事便情緒低落或產生罪惡感
這就是海格德說為何人會「沉倫」到非本真世界來去除虛無
有些人會吸食大麻來麻醉自己, 有些會去迷幻舞會跳舞忘我
有些會做愛, 飲酒, 食煙, 運動, 訓覺, 讀書, 唱歌, 打機..
凡此種種, 都是在逃離空虛與焦慮...
劉德華那套《門徒》最後有一句引人深思的問題:
到底是毒品可怕, 還是空虛可怕?
之前我會毫不思考地認為毒品可怕, 現在我認為空虛比一切更可怕, 包括死亡...
=> 但空虛是否等於悶呢？悶可能好充實，時間生活工作密麻麻，只係冇野令你精神
生有涯，人怕死亡接近而去逃避，選擇吃毒犯罪，是可以解釋悶的由來
但不用去到那麼極端，普通香港人大部份生活舒適，生命也求求其其，而是陷入一種不知何解的悶，揮之不去
11) (呢個係大圍答案)
無所事事時, 缺乏精神的刺激 >> 悶
12) (藥物篇) "嗎啡呔令人high high地有忘我飄浮的感覺, 事實上也可減少悶感.."
=> 藥物可有兩種影響，一種加快刺激分泌嗎啡呔，另一種減慢神經傳遞，一快一慢可使人飄浮，但藥力之後卻是無儘空虛
13) (悶的影響)
=>
(思想機制 有關？) 這種說法好像是說潛意識會不斷在精神層面上提醒存在於現實的虛無, 但這樣做的目的為何, 為何要有這種機制??
可能這個機制設立的目的是為了令人意識到虛無並產生恐懼感從而爭脫這個精神上的虛無感回到現實世界中做點事情...但又為何要我們在現實世界中做點事情?
另一面就是要我們回歸現實, 避免我們投入或探討現實之外的那一個世界...
14) (用 "高 / 低 潮 " 去解釋 悶 之由來)
係ga, 好似做愛時男人的血清素標升到最高狀態(所謂的高潮), 過後會馬上陷入一種空虛, 甚至出現厭惡感, 對女人漠不關心..
幾乎所有事物的變化都在周易的變化系統中得到解釋, 內分泌、股市、大自然....有高潮就有低潮, 反者, 道之動也..
15) (悶，其實亦是一個大大大的課題！)
今晚到呢度先, 就直頭開個「沉悶現象學」來討論啦
呢個問題關乎廿一世紀後現代的人文生存價值
16) (悶的原因，其實是多源性的！versatile )
具普遍性的集體沉悶潛意識....@@
有趣, 應不斷追問落去, 必定有其因的...
17) (看似原因，但這只是現象，找不到讀書和工作的樂趣，才會悶，工作悶，正如第 7 點的論點，這才是悶的主因。)
為成績而讀書或者為錢而工作同樣都會悶
.gif)
重要性不同
.gif)
18) (提出悶的相反意思.....但有否其他呢？如，"興奮"？)
悶相反係刺激
找尋刺激有兩種極限..... 生理極限........ 心理極限
生理極限.....
速度感..........車速 200 km
擁抱地心吸力........跳樓机 ,笨豬跳,過山車,跳傘..... 令心臟跳動 160
擁抱靚女......前列腺負荷.........一小時內跟 stephy,anglelababy,janice man 造
心理極限........... ( 唔鼓吹纯討論 )
偷窺,偷竊,偷情,偷心所帶來的莫名快感
每日是但揀一樣做.....日復日.....周而復始
睇你夠唔夠薑做一 D 從來無做過刺激神經行為.......... 仲有無時間叫悶 ？
以上有七成我都做過
只覺人生苦短......... 點會悶 ？
19) (悶的現象)
當一個人悶時
就會拎自己和別人作出比較
在比較中發現該人的生活方式比你好
從而代入他人生存方式而非他人生存方式
而感到沉感
20) (佛家思想乎？)
包大人...與其求道長解悶....不如自己學識點同"悶"做fan
...
慢慢包大人可能發現"悶","煩","空虛".....都係自尋..
21) (去PARTY時，孤獨一人時，會悶？)
精神主體 與 現實場境 未能配合協調, 精神會產生我們稱之為 悶 的感覺...目的是催促我們更換現實場境...,這好像說明了 精神層次上的活動(例如聽音樂) 比 現實層次上的活動 更能解悶的原因, 但未能解釋為何會悶, 為何會不斷悶...
22) 不如講下悶的狀態先啦...
不安, 煩躁......
23) (悶，有時間長短限制 的嗎？)
不可以同 悶 做朋友 (我理解你是想講 適應), 悶 亦不可以自尋.
樓主提到 悶 總是揮之不去. 因為是 悶 這種狀態不會持續出現. 只會間斷地出現一段短暫時期, 你從來不知何是會悶, 但悶的感覺出現的時候, 就是處於充實的生活當中, 快樂的環境下, 它都會纏繞你思緒內.
相信各位都曾有過這種經驗, 在一個人多熱鬧的環境下, 高淡闊論. 人人掛著笑臉. 理應不會出現 悶 的感覺. 但是當你情緒有一刻靜止, 悶 的感覺會在這個看似不協調的環境下出現. 之後你會在餘下時間帶著的感覺默默的呼應他人情緒.
悶的狀態要是持續出現的話, 要是時間久了, 便不會存在 悶 的感覺. 因為悶會被時間適應,消化殆盡. 變得麻本.
悶，總是突然而來，未及適應又突然而去。
=> (用 "朋友" 來形容 與悶之關係，WOW !!!)
跟 悶 交朋友先至係解 悶 既根....
您現實d甘做只係做到多些or少些....
=> (玄 到咁樣！)
首先要接受悶
才能放下悶
=> (原來係佛謁)
人性的期盼是佛性
渴求接受一切
=> (佛謁 進一步解釋)
明白其內在因由
由於所有事物都由那因由而生
明白因由 = 明白一切
放下本身物質給我們感覺
去感覺該事物的因由
那精神存在的原因
24) (監粗屈人篇！..... 不過幾有趣！)
按你的定義,溝女也是悶的,因為只是行街,吃飯,看電影,做愛,送禮五種動作不斷循環
25) (由 悶，演伸出來另一個課題.......但小弟其實都唔係好明他講什麼東東？！)
令人滿足的答案過後就是另一個不滿腳(如上得網就已經入o左錢，有相對在網的無極子彈)
.gif)
所以教條是好的(夠慢-建築)
.gif)
26) (將 悶 複雜化....... 其實係好多不同歷程，導致 "悶" 而生的！)
終於得出結論，人是犯賤的動物
美國一項心理學術調查，很多中巨額彩票的人，其快樂指數其後並沒有因此增加，於是研究結論是，缺少財富可以令生活上很多不幸事發生，但擁有財富卻不能保証增加幸福感覺
這帶出一個問題，哲學家歷儘畢生思考，追求大同均富的鳥托邦世界，但真的去到均富時，人就幸福了嗎，可以睇睇最先進富裕的日本、美國，其自殺率更高，郁結病人患者更多，沈悶像傳染病一樣傳播。人活在貧民區和活在凱旋門，都冇分別，一樣不滿一樣不知足一樣沈悶，一樣犯賤，所以，對人不必太好，反正給予太多，依然係犯賤不知足。
因為人就係永不滿足的動物，小時候擁有紅白遊戲機已是莫大幸福，但如今要取走你的NDS逼你玩紅白，你就認為是剝奪，一種原來是幸福的，如今變成屈辱，睇下另一討論貼中，沙里葉抓狂咁鬧人唔俾佢哲版言論自由，但她忘記當初自已上來哲版追求簡單討論的快樂，於是要求愈來愈高，討論變質成要所有人必需認同她的價值觀，否則就叫人節省收皮，又好似白眉道人，初時討論有人回已開心，但依家要加上屌屎屌尿才能添加快樂。
人就係犯賤，阿當夏娃擁有終極幸福，都會選擇自我毀滅尋求剌激，人之不滿足的基因下，一旦生活和際遇未有新刺激，就陷入沈悶，沈悶就是准備破壞現況的先行情緒。
_________________________________________
=> 各位，睇完以上 (假設睇晒上面，又捱到這裡！？) 係咪更 "悶" 先？ XDDDD
我就覺得好鬼有趣啦！
(註 : 睇到第 110 個回覆)
.gif)
簡單.gif)
多餘.gif)
.gif)
Da 2008-09-21 00:16
自我一派2008-09-21 01:55
DA 姐，你好！
我只懂吹水咋！見人地吹得有文有路，咪 copy and paste 呢！學下人家嘛！