合家訓街

上星期六, 中午爹哋同媽咪丟低我自己走咗去街!!!話要去咩咩魏康定咩發佳喎

2粒鐘後就返咗嚟啦, 買咗好多大包細包返!!!

原來同coco去露成呀!!!

但coco表姐要好妟先得, 我哋去到鱷藪已經天黑齊啦!!!

一去到, 拿拿林霸好地盤起番個陣先!!!

起完屋, 極速9秒9煮飯!!!, 你睇佢哋幾豐富, 由左邊數起, 有沙甸魚, 雞扒, 牛扒, 大量丸同菜菜

仲有臘腸蛋飯

難為我哋淨係得西北風...

後來到我食晚餐嘅時候兩老先至醒起佢哋日頭唔記得餵我食mummum...

大家食飽晚餐飲杯熱辣辣嘅好立克, 出發去行山山

行到夜晩3點終於有得休息!!! 你睇我幾識歎!! 揾咗爹哋個靚位!!!

咁至係1家人呀嘛!!

第日1早, 隔離啲營啲童子軍神咁早要起身煮飯...!@#$%^7點就已經嘈到死啦!!!

8點, 9點都有人打電話比媽咪問候...

10點幾我哋先起身,

刷乾淨牙仔先

食早飯時, 畢畢入咗嚟探我哋, 但係呢, 淨係帶得1分飯盒入嚟...

我哋諗住食完嘢再行一陣間, 但大家都唔得啦... 收好營已經3點幾, 要返屋企啦...