九月好似冇乜做運動咁, 今個星期會有三個賽事.

打頭炮嘅係八公里賽, 喺汀九舉行.

近近哋, 喺荃灣轉小巴, 都算好快就到.

今次嘅場景係汀九橋, 喺帝景酒店附近.

左邊斜路再行上山, 就係起跑嘅地方, (起跑後仲要上多半公里斜路).

汀九停車場, 已經有好多跑手熱身準備,

去到之後撞到兩個跑友, 傾咗幾句, 就要快手準備起跑嘞 !

今日都唔係跑得快, 但係跑得比上次好啲, 至少冇停落嚟行.

最後以晶片時間 48:44 完成.

哩兩次跑步都唔夠瞓, 瞓得兩三個鐘就去跑,

今日都有啲失魂, 寄存行李之後及發覺未除眼鏡. (其實都冇乜所謂)

跑完步之後, 原來唔記得除低個晶片.

聽日要快啲寄返個晶片去間晶片公司先.

嚟緊十月一日同十月四日, 有另外兩項比賽, 要繼續堅持努力至得嘞 !