北潭涌泰基盃 ~ 10km

最近搬咗入東涌, 好耐都冇正式得閒上網寫吓 blog.

哩次跑步要由東涌去北潭涌, 真係好遠吓.

遲咗少少起身, 預錯咗時間, 本來要去九龍塘坐大會安排嘅接駁巴士, 但係就遲咗.

原定係七點至七點三有車, 我就差唔多七點五去到, 好彩仲有車等埋我, 仲有好多位坐添.

原來當日有好幾架城巴車隊, 遲到有車坐人少少瞓覺真係好.

九龍塘入北潭涌, 半個鐘就到, 想瞓多陣都唔得.

九點鐘開跑, 算係比較遲, 去埋厠所做吓熱身, 之後就週圍行吓.

今次俾我撞到 Y-BLOG 嘅朋友, 今次終於都有相認嘞 !  

再之後亦都有見到 [消閒] 嘅跑友, 仲介紹咗 [消閒會長] 俾我識添.  

哩日跑北潭涌, 頭一公里就已經有上斜位, 慢跑咗一大段路有少少攰.

其後一直都保持普通速度, 沿途仲有少少上落斜,

過咗頭四公里, 有個好似水壩嘅地方, 沿途景色都好靚,

臨到五公里轉折點, 又係另一個上斜, 時間係 31:22

上斜見到幾個跑友已經調頭, 大家都有互相打氣加油,

落斜返轉頭經過水壩位, 喺水站見到 [健康跑步社] 跑友做義工俾水, 謝謝 !  

過咗水站之後, 我就開始唔爭氣, 攰攰哋又有上落斜, 就行咗一陣,

點知行咗一陣之後, 就冇力再起跑,

眼見好難追到一小時完成, 結果最後 2-4km 哩段, 行咗有一公里以上,  

去到最後一公里落斜, 就再起步跑,

結果跑咗 66+ 分鐘, 約九百人跑 665名.