人生有幾多個馬拉松 ?

由苗圃行動開始, 直到其後參加過一啲小型長跑, 跑過第一次嘅渣打十公里, 再到而家已經跑咗十個賽事以上, 我諗我鍾意咗跑步, 鍾意咗跑步嗰種有啲難有啲辛苦, 但係又只要肯付出, 又可以有進步, 完成賽事嘅滿足感.

   睇返以前嘅舊相, 原來我都有一次喺卡迪夫出倫敦, 偶遇過 Cardiff Half-Marathon, 心想如果可以返去跑一次長跑, 咁樣都唔錯,

鍾意跑步, 想跑十公里或半馬拉松, 自然就會想跑次全馬拉松, 人生有幾多個馬拉松 ? 好多人都係冇, 如果跑咗第一個, 又可能唔會淨係得一個咁少, 或者係兩三個, 五個十個 ?

跑馬拉松, 的確唔簡單, 半馬拉松都可以自己練吓練吓, (雖然我仲未跑到半馬, 但係應該可以做到.) 但係要跑馬拉松, 真係要付出好多, 好認真同有規律循序漸進先可以做到, (至少要16個星期訓練), 我好想四十歲前, 就要試跑一次馬拉松 (42.195km).

早幾個月, 甚至喺 Facebook 嗰度, 創作咗一個 Pick Your 5, 係最想跑邊幾個城市嘅馬拉松, 我嘅心頭好係 Hong Kong, Macau, Tokyo, London, Berlin Marathon(s).

如果你睇到哩個 blog, 你又有乜嘢心水城市, 想去跑馬拉松呢 ?    

除咗自己練跑同埋參加比賽, 過埋今個月, 好想參加多啲跑步練習活動, 今日我都試吓跟香港長跑網喺馬鞍山練習, 由馬鞍山遊樂場開跑, 跑到去梅子林, 但係天氣太熱, 結果都只係行咗上梅子林嘅山頭引水道附近, 希望慢慢練可以練到耐力啦 !

我參加咗嘅跑步社或跑步網, 仲有相關朋友嘅機構同姐夫或家姐考慮參加嘅跑會 :

(我) 健康跑步社 ~ http://hk.myblog.yahoo.com/hrc-2006

(我) 香港長跑網 ~ http://www.longrun.hk/forum

(朋友) 香港盲人體育會 ~ http://www.hkbsa.hk/index.htm

(姐夫或家姐) 宇宙長跑會 ~ http://www.universe.org.hk