Happy Birthday To Me~又大一歲

呢個係結婚之後第一個生日~ 之前老公生日都冇特別慶祝, 只係簡單出街食個飯, 切蛋糕, 因為大家都唔想洗太多錢~

前日係我生日~ 嘿~ 其實最初都只係諗住出街食飯就算, 啱啱搬完, 真係唔想再出血~ 因為要留下彈藥去旅行~ 

在家諗住等老公收工, 一齊出去食飯啦, 一向都唔識得玩神秘0既老公, 昨天, 竟然, 付出咗佢0既第一次俾我~ 哈哈~ 佢買咗一束花帶返屋企送俾我~ wow~ 我唔識得反應呢~ 一黎因為冇諗過會有花收~ 二黎, 我同佢拍拖時都冇收過花啦~ 點會諗到結咗婚之後會有花收~

不過真係好驚喜~ 佢咁大個人, 係未買過花送俾人~ 係真的呀~ 不過我地都係講好咗, 唔好再買花啦~  雖然我自己好鐘意花, 而且會買花返屋企插下~ 但係一束花平極都要錢~ 我情願攞去一齊食餐好架囉~ 花~ 收一次就夠了~