水晶甲練習

唔知點解, 我好唔鐘意對住d甲片練習做水晶甲, 次次練習唔夠1個鐘就會收起哂d架生。心知唔練唔會進步, 所以都成日去搵我的白老鼠, 白老鼠1號- 我個靚靚阿姨, 就係佢令我知道咩係gel 甲以及帶我入gel甲火坑0既人(起初我係俾人做gel甲開始的) ~ 後來發現做gel甲好貴, 一次都整成6,7百, 我講緊0既係2年前0既價錢, 覺得咁落去唔係辦法, 不如自己學啦~ 就係咁, 我就跌咗入呢個美麗的火坑~ 自從學gel甲開始, 呢隻白老鼠1號一直都係我0既御用練習手, 佢對玉手本來就已經好靚了, 白老鼠1號一直都只係想整gel甲咋, 佢之前都幾抗拒水晶架, 當然就係因為水晶嗰陣味啦~ 不過, 白老鼠1號都為咗我而犧牲呢~ 昨日又去幫佢整咗一次水晶甲, 佢似乎已經習慣了水晶液0既味度了, 而我而家自己整甲時都係走去白老鼠1號個竇度整架~ 費時留在家中整, 家人實在對水晶液0既味已經去到唔可以忍受0既地步~ 我唯有被迫遷移啦~  

白老鼠2號係一個以前一齊學指甲的朋友亦都係我姐妹之一, 因為佢刻服唔到水晶甲~ 所以佢正處於一個半放棄狀態~ 我就成日hard sell水晶甲有咩好~ (其實佢都知水晶0既好處)  希望佢重燃朋友對水晶甲嗰團火, 但係, 佢好似對水晶甲c咗心咁~ 佢唔想再學, 咁我就當然找佢借出對手俾我練習啦~

而白老鼠3號我妹妹呢, 我仲等緊佢抽時間俾我練, 因為佢要應付一個考試0既關係, 佢埋頭苦幹咗成年, 完全冇時間做我的白老鼠~ 不過佢答應咗考完試會倣我的白老鼠了~

用真手練比起在甲片練實在好多, 因為用甲片心裡面會成日諗, 做得唔好都可以再黎過~ 但做在真手上0既壓力會大d, 我反而會認真d呢~

用了 Time to shine 的Grand Entrance做底色, 再拍咗d Carnival的 Show Me Your Beads, 再加咗d Boogie Night 0既 Hot Stuff, 再加了幾粒一年前在日本買的 Eriko nail0既大閃片, 就完成咗呢套甲了, 好紅卜卜呀~

現在我必須刻服pok邊呢個問題~ 經老師指導後, 問題應該出咗0係水同粉     0既比例度, 所以琴日我都特別注意呢一點, 希望今之會好d啦~ 但係自己整自己整就真係要再練習多d了~ 始終左手做右手時, 都會不自覺咁多咗水晶液~

因為趕住同白老鼠1號去食tea + shopping0既關係, 0係條街度影咋~