夢...醒了沒有?

係呢邊生活左五年, 原來回想...又的而且確無發生過乜野值得紀念既事, 無經歷過任何改變人生既大事件, 無遇過一個真正明白我想表達什麼既知音, 無確立既目標, 無向夢想行前過. 當然, 同好多人一樣 我 係越走越遠既. 如果要我放低所有野去做想做既事. 對唔住, 現在既我又真係做唔到d咩, 或者就好似輝所講, 你現實d la,.....夢就好似牛奶咁, 無錯熱鮮奶可以令你,又或者我去發一場好夢..去忘記現在所背起既包袱..但始終都要起身, 而現實就係咖啡, 會令你精神,味道雖然苦澀 ,但能令你看清你要面對既事, 人又或者物. 但又唔好忘記. 佢既功效會令你疲累, 甚至係迷失. ...如果人生係一杯咖啡, 幾多奶, 幾多咖啡, 幾多糖, 幾熱...又真係到我地控制嗎?再懂咖啡既你又真係懂得去分配嗎?

冷靜下來再想..我們每天都在一步一步向前行, 向前衝, 向前跑. 由出世那天開始, 頭向住前面, 我就知道無回頭既可能, 上帝背著我行了一段路, 朋友伴著我行了一段路, 她又和我攜手行了一段路, 有家人既支持...我才不至留下, 繼續向前走...但又有誰知道我是向著日出那一邊跑, 又有誰可以給我畫一張日出既前路, 或許下一次, 我看清了一點, 一路向著既原來係日落既西邊呢...那麼我繼續走還是該回頭?

我既夢想..只是一本小小既插畫集, 或許我還需要爬過數十個山頭, 才知夢是不是該醒了