十一月二十五日 星期日

今日大埔盃連嬴兩場,都可以大勝呢...下一場四強對"野蠻人"...大半隊港隊成員,算啦...輸少當嬴~今日第二場D對手傻傻地架,超埋身守波,打死你呀,重同球證講我地打人...傻既,球證都話你咁埋身,會比人打到架....而且小學生打波咩,郁下就鬼殺咁嘈,都傻傻地....

打完七點,落左MK食飯,食之前我地去左潮特買結婚禮物...唸住買唔到就封多少少人情,但終於都買到了,唔太貴又好靚,米奇米尼玻璃杯一對,重可以刻埋佢地兩個名,正~

買完就去食放題...好好食又多野食..都係$140,食完放題我地去左買面具同帽for星期二林生結婚日用,我地去左女人街一間鋪,裹面全部都係買D扮鬼扮馬既裝飾既野,我地裹面不停拎人地D面具玩,尤其係大連,戴乜都咁似,有相為正..呵呵~~
大連...哇哈哈~
瑩同大連...
我地八個就係買左依頂帽喇..

買完去咀妙妙食糖水,途中經過波鞋街時,見到Simon架車拍左係到,頂...又唔去比賽,去左旺角玩...我地勁搞笑,將我地D卡片呀,日歷呀,放哂係佢架車既擋風玻璃到,無紙筆咋,如果唔係,可以寫名寫到此一遊放係到,haha~係我地放緊既時候,Simon同佢老婆己經企係對面馬路望住我地,哇哈哈..黑嗎嗎見到成班人圍住佢架車,嚇死佢呀......笑死~~

玩完去咀妙妙食糖水,傾左好多超搞笑既野,食到成十二點,閃~好累呢,明晚重要去林生屋企玩,結婚前一夜,告別單身呀~

距離林先生羅小姐生日重有一天.....讚呀

P.S. 各位好朋友...算小弟先小人後君子喇,由於本人己收到了三個人十二月既結婚炸彈,而且每年十二月係開支就大的月份,十二月生日的好朋友們,食飯可以,但各位既生日禮物就要遲一點後補喇...但放心啦,我真係記得架,而今年既Xmas禮物呢就可能要取消了....對不起呀,希望大家體諒下,尤其係十二月生日既好朋友...