2007年12月13日 Thu 新婚快樂

最近返工好似成日都好忙咁,又唔知忙D咩,D時間好似唔夠用,人Hea左?懶左?但今日我好專心打Call,又無釣魚,而且條數又OK,我竟然可以三點幾打完Call,重可以覆番哂一直末覆既Log Sum同新客...正~唔洗堆埋堆埋~

五點半多D放工走人,走前Joe幫我打呔,佢話我打得太核突,哈哈~佢地知我去飲,猛叫我識下個度D女仔,哈~我只係去逗留一會吧!唸住早D放工早D可以去到,無咁多人,可以同佢兩個傾兩句,影多兩張相(因為都預左佢兩個忙招呼客人影下相咁),點知~281A塞車,又未襟錢整人情,去到尖沙咀都成六點九,又多人襟錢~頂~去到酒樓七點幾,己經好多人了>.<.,見到婷婷同新娘Carine,佢兩個今晚好靚呀~睇下Carine個辛福樣,哈哈~但可以睇得出佢兩個都好累好累,尤其係婷婷,傾唔夠兩句又要行開,都係快手快腳影左兩張相,之後再想同婷婷傾多兩句,但佢真係太忙了,無計啦...伴娘嘛,企左一陣,都係費事阻住人,閃人~其實真係有D唔好意思,黎一陣就走...Carine老公重話:下...咁快走?好彩Carine幫我解釋,真係呢..全場我只識佢同婷婷,,我留係到又唔知點咁,自己一個人~Carine同婷婷明白既...但我一定會到囉,其實Carine好耐前己問我到唔到,我答我唔留低飲,都一定到一到,我好朋友結婚播,幾忙都一定到....

其實真的好開心見到佢兩個,因為真係好少見到,只是係MSN/電話傾兩句...佢兩個真係大個左成熟左好多,尤其係婷婷,越大越靚女呢(Carine唔會怪我讚婷婷多D既,,雖然妳今晚係主角,哈哈),唸番如果唔係婷婷我都唔會識到Carine,而且都真係唔經唔覺十年了,時間真係過得好快....點都好,希望佢兩個永遠都幸福快樂~~
再補多句--->Carine 新婚快樂!!!!