生日 party

今次主要係邀請番我地既朋友仔們，有狗帶狗，冇狗都一齊黎玩下！

訂左勝利道Let`s dog cafe包場玩三粒鐘，場地同服務我都幾滿意，至於食物方面，味道都唔錯，可惜份量偏少，完全冇諗過冇得refill，呢點cafe要留意一下，其它大致上好好。

poster係我自己用photo cap整，係就係唔會好靚架喇，但開心在DIY，

右上角果d係我帶去既狗狗小食，都好受狗狗歡迎架！

介紹下今日出席既狗狗們先，認得佢嗎？冇錯，巨無霸爛玩古仔又出場！

仲有好乖既奀妹！

跟住係靚仔番薯！

一樣係貴婦狗既豬扒

成場比人笑佢大隻既kelly

當然唔會少左我地既主角~~Don

成班為食既小朋友，撈住angel姐姐喎！

亞Don玩到癲哂！

有時都不忘招呼下朋友架！逗人開心！

玩左一陣，就開始開餐喇！

食飽後，我地為亞Don準備左切餅儀式~

本來一早搵定一個專做狗狗蛋糕既blog，一心諗住幫襯佢地，因為睇得出佢地對狗狗好有heart，蛋糕款式又靚，好可惜我地開party既日子，正正係店主放大假，好失望啦！之後去左聖安娜訂狗狗蛋糕，唔知味道如何呢？！

我地一齊睇下佢地食蛋糕既情況~

豬扒

蕃薯

kelly

一啖食哂既古仔

亞Don係食得最慢果個，好斯文喎靚女！

奀妹我影唔到，因為實在食得太快。

party look

到我喇，睇下我幾投入，帶左狗狗party帽！

好味！

好多朋友都應我要求，送一份禮物仔比亞Don，睇下幾勁？！

食飽又落地玩喇，成班玩波波，留意...古仔太黑，其實佢都有份追架！

豬扒係身型最細少，佢唔多敢埋堆，多數都痴住佢亞媽！咁樣睇豬扒，好似公仔！

比我發現有張相影到古仔既大尾巴搖擺既時候，打中蕃薯塊面！好搞笑！

今日玩得好開心丫，最後我送左狗狗曲奇比d小朋友做禮物，不過唔記得影相！

亞Don返到屋企，仲有無限既精力，佢知道成袋玩具都係佢，成日撈住哂！

到夜晚訓覺時間，佢都唔肯訓，玩到個心"創"哂！要玩果袋玩具，入籠訓覺仲學人吠，我打左佢幾下先肯訓，曳！

再次多謝所有出席既朋友仔們，多謝你地d禮物呀！