包粽~

終於整左喇....

初初包果幾隻真係幾難.包下包下就ok喇..

做乜都要迷你版既我，今次都吾例外，一口粽，細細粒...

我包既係花生蝦米餡..好好食架~係客家粽..雖然我吾係客家人，但係由細到大都係食lee隻味，覺得好正~

用白鑊加幼鹽中火將花生炒至金香。lee個方法係嫲嫲做米通既方法，D花生金香得黎好均勻，超吸香噴噴架~

炒香花生去衣，用木棍轆碎，切碎埋乾蔥﹑蝦乾同元貝粒..炒埋一齊就包得架喇~

本來想做埋綠豆咸肉粽，不過諗諗下第一次整，吾好太貪心住~

如果想D糯米飯有咬口，記得吾好將D糯米浸過夜，包之前浸佢3-4個鐘左右。(姑姐教架) 真係好掂~

包迷你版有另一個好處，就係煲個半鐘左右，我用電飯煲煲架(又係姑姐教既)，煲左個半鐘，再焗佢一個鐘倒。

一次過包左80隻，派晒喇~ 雖然工夫真係好多~但係勝在經濟好味，今個星期會再包，因為吾夠派~同自己都吾夠食!

尋日係"船生哥"生日，特別訂左盤超級壽包比佢，個個見倒都好開心﹑好鐘意~

仲好好味添~

希望爸爸 身壯力健﹑開心快樂~