第一次山藝實習之前

呢個星期六, 就係傳說中既山藝地獄集中營.
過去幾個星期日, 都諗住行下山, 鍛鍊一下體能.
點知, 連續幾個星期日都落大雨...
莫講話行山, 連跑步都唔得.

我要活下去, 我要活下去!!
我唔會坐以待斃既, 去唔倒做運動, 都有其他準備功夫可以做下.
夜晚, 我開住個冷氣, 試用個求生袋~
WOW~
我發覺...
.
.
.
.
佢完全唔保溫 lor.
好在試一試, 如果有"殘存"環節既話, 一定要帶埋保暖既衣物 or 睡袋.

又拆開個營試下起先.
原來都好難...
係咪去到營地時, 真係插左營釘會起得易 d 呢?
又驚 R 斷 d 營柱...
但係對個營既結構多左認識.

跟住玩繩仔, 學左幾個繩結, 練習到合埋眼都可以打出個結.
其實去到集中營時, d 地獄教練應該都會教.
不過我驚到時俾佢地折磨完, 已經心力交碎, 冇精神力去記 d 繩結.
而家練定, 到時就事半功倍啦~

聽晚, 將會進行"金錢流淚計劃"既下半 part...