雷曼事件、H1NI病毒爆發，香港人個個壓力爆燈，人人怨聲載道，為紓緩這些負面情緒，何韻詩決定企出來，在紅館舞台上勁歌熱舞，爆發正能量勉勵大家。
「依家負能量太勁，充斥住成個香港，需要發放正能量去平衡下，演唱會以超人為主題，SUPERGOO係我個超人名，希望站在台上發放正能量，當然，所謂超人力量唔係要推跌一幢樓或者拯救世人，而係發揮小宇宙，將本身內在潛能發放出來，意思即人人都係超人，只要你識誘發能量。演唱會賣點係勁歌熱舞，我變身超人，擁有無窮無盡力量，帶動整個氣氛。好希望藉住呢個演唱會，踢走港人的負面情緒。」
阿詩今次揀選「超人」作演唱會主題，舞台亦會特別設計。
超人誓要反轉舞台
阿詩笑言，為配合主題，舞台設計會好誇，舞步更是史無前例的激烈，又邀請大班好友上台跳舞玩餐飽，誓要反轉紅館舞台。
「話明主題係超人，舞台設計上會令人聯想到超人，我利用三面台，營造出可以飛天遁地的感覺，又會玩爆破，總之要令觀眾睇到目瞪口呆。跳舞班底同上次演唱會一樣，不過，就會跳得再激，比如會將我整個人拋前拋後咁，讓觀眾以為我真係超人咁勁，擁有無窮無盡爆炸力，演唱會主打快歌，《金剛經》就好有動感，舞會跳得仲勁，首歌係講一班擁有超能力的人，聚在一起拯救地球。今次紅館舞台係我的基地，我會請班超人好友上台，與現場觀眾一起發放正能量。」
為張叔平轉形象
為求突破，阿詩的演唱會造型找來大師級人馬張叔平負責，單看海報那個超短裙配6寸高跟Book的性感超女形象，已令人嘩然，阿詩笑言，台上舞衣更誇更誘惑。
「今次請阿叔設計舞台戰衣，希望帶到新鮮感畀觀眾，設計上要配合超人主題，好似蜘蛛女、貓女都係性感行先，戰衣顏色好豐富亦好貼身，阿叔出手，我話明無底線，只要好睇就得，上得台就要靚，我個Body亦會keep到最Fit。嘉賓方面，就會有兩個單位，不過，我想保持神秘感，暫時唔方便透露，只可以話係圈中數一數二的超人，安排在頭場和尾場現身，大家互唱對方歌，要好似開派對咁，一齊玩一齊開心。10月10日對我來說好重要，所以當日更會有一個特別節目。」
為創新，阿詩搞了個有關超人短片比賽，早前邀請他們拍MV，阿詩大說身旁的婆婆活力十足。
從此愛上演戲
談到未來大計，阿詩坦言愛上電影，希望未來的日子能投放更多時間在電影拍攝上，尤其是極具挑戰性的精神病患者。
「其實我幾鍾意拍戲，好似對上一部戲《游龍戲鳳》，我覺得好好玩，可以好大發揮。而且跟阿姐（汪明荃）、杜汶澤 拍電視劇《女王辦公室》都學到好多，發現拍戲唔單止可以令我享受箇中樂趣，仲可以帶動自己情緒，有助歌唱事業，我覺得自己愛上演戲，希望可以試多唔同角色，特別係有別常人的角色，精神分裂者都係一個唔錯的選擇。」
jeff.jpg
充氣飛彈2.jpg
吹氣飛彈.jpg
希綺 2009-11-26 21:01
成功等於目前，其他都是這句話的註解。
..................................................多多 2009-11-24 14:36
fsdf 2009-11-22 20:14
dodienuno 2009-11-20 20:16
一點都不野蠻的女友 2009-11-18 09:42