番多幾日

昨日帶Jacob上托兒所, 同平時一樣, 一去到又喊, 個team leader叫我地放心走, 我地走咗後佢喊咗一陣就玩car car.

放學去接佢, 個team leader好興奮同我講, Jacob好乖, 好乖, 佢今日好開心, 走來走去, 又同佢地笑, 又hug hug好幾次個team leader, 仲有一樣好好笑, 佢幫手tidy up其他小朋友d lunch box放回原處(唔係淨係tidy up自己果個), 又自己去洗手. 所有carer都笑佢, 個team leader好鍾意佢,仲話好想佢番多幾日, 想見佢多d.

講開又講, Jacob真係好有手尾, 去番gymbaroo時, 每當將件衫或其他物件放回原處時, 佢見其他小朋友件衫突咗少少出黎, 佢都會幫手將佢放番入去個箱到. 去波波池玩時, 佢見有幾個波飛咗出池外, 佢會走去攞番入去個波波池到, 真係好好手尾, 遺傳咗爸爸嘅真傳!但係屋企啲玩具...... 就一地都係!