從遊戲中學習

作者：游乾桂

著作：嬉遊記

作者話：

用玩樂啟發孩子的大智慧

玩樂是一種最具創造力的學習方式，它能讓孩子在兼顧身心平衡的狀態下，從生活中擷取創新元素，玩活腦細胞，玩出高智商、高能耐。

點解De媽會買哩一本有關親子學習嘅書呢？

係因為OBF哩一個project，De媽想擴闊自己嘅眼界，瞭解一下作為一位家長，想帶動小朋友學習，佢地會有乜野concern。

講返嬉遊記，概括來講，作者哩一位台灣郊區長大嘅人，用佢自己成長嘅故事，同埋佢作為爸爸，點樣用隨意郊遊，帶動自己小朋友在生活中學習。

話說作者細個時，爸爸係農夫，所以佢成日跟爸爸通山走，亦從爸爸口中，學識好多觀察、感覺、思考、反應嘅大智慧。

到佢自己小朋友仍長，佢亦照板煮碗，帶住仔仔女女，四處遊山，而佢仔仔更青出於藍，一路上見到唔同嘅事物，出題考返老爹。

作者除咗帶出學習可以隨時隨地發生，更著力帶出，淨係坐喺課室學習，小朋友係唔會入腦，知識只係抄背得來，唔係自己頓悟。對小朋友，抄背得來嘅知識，一陣間就唔記得；自己發掘，自己鑽研，得出來嘅知識，根本唔需要一世記住，因為佢地已經得著咗『尋找答案』嘅方法。

De媽就係睇完哩本書，有嘅好深嘅體會。

自此，會將Jacky講過所有有關訓犬嘅要訣，睇過Cesar Milan嘅個案同埋佢點樣幫主人分析、解決問題，一次過消化哂。

哩啲知識，唔再係書柜入面嘅DVD碟，或者係Jacky喺邊一次唐狗會活動嘅提示。

佢地變成咗我咗肌肉一樣，幾時用，點樣用都得。當然，間唔中都要操fit一下，唔係啲肌肉會『林』哂，有心無力。操fit咗嘅肌肉，又睇得，又用得。

自此，我幾十歲人終於明白『活學活用』哩個由細講到大嘅道理。

今日，係我去使用訓犬方法，使用所有環境因素，令Dede獸同埋我自己不斷開闊眼界，不斷成長。

係我去駕馭知識，我唔再係知識嘅奴隸lu~~

所以，我亦都識得利用行山時見到一條本來令佢好驚嘅2cm咁闊嘅水路，引道Dede獸開開心心咁跳過佢，再跨過哩條水路追住我左跳右跳。佢自信心即刻高哂。

另一次行山，我地冇碰上水路，但係見到朱古力Lab古仔。我地又借古仔來做training，Dede就算唔like古仔行近，但佢要知道唔可以同古仔度頸，佢只需要企定定，De媽就會幫佢勸古仔走第二度玩。真係唔該哂古仔喇，交足戲，乖仔。

而家每次行山，每一樣野，都可以係training tool、training partner。