零的突破 - 加咗新相喇(一)

車貼，我發夢都想要呀.......

不過唔係囉，哩個只係一個貼紙來咋

哩個新logo，中間『我愛唐狗 I Love Mongrels』部份係一開始已經有，而『圓圈 + since 2006 + 腳印』，就係嬌媽『活化』唐狗會logo之作。

對於今次探訪，啲老人家都好開心下架。

其實老人家一來可能好悶，有人探下已經好開心；二來可能佢地都算係鍾意動物，所以有啲老人家掙住『步行架』來睇狗狗架

要add a lot of oil呀

嘩，Ms Chan Chan，妳鬼馬呀妳

睇咗妳條毛..... 呀，sorry，應該係妳個『字』，真係汗顏，原來妳都有睇返我之前嘅卜，仲見到咁多瘀事添。

其實每個機構『甄選』嘅標準都唔同，『狗醫生』佢地除咗希望狗狗幫到人，都必須要確保狗狗能夠應付到探訪嘅場面，而唔係淨係例如滿足主人要隻狗成為『狗醫生』哩個榮耀.....

我都同意妳所講，真實去咗咁多次探訪，Dede獸都算係穩定，而佢亦都好清楚，一帶上條圍巾就係去『做野』，比受訪者摸下，影下相，就可以用鼻鼻duk媽媽個零食袋『出糧糧』。

其實狗狗都係同小朋友一樣，初初『踏台板』難免會緊張少少，試多幾次，主人要加以鼓勵同埋獎勵，佢就會明白，亦會漸漸有光彩。

或者我們可以傾下能否嚐試一d短期性質既探訪計畫?

好呀好呀，妳預埋我地同老友記一齊玩，我地一定參與架。我地再詳細傾一傾吖

被人忽視左幾萬年...... 哈哈，妳好激呀

其實當每次幫手rehome 或見到好多義工在blog內post 出救到的狗狗, 有好多都成功被領養, 以及命中率都好高, 我認識的都已經有好幾個家庭領養我幫手post的唐狗

妳地做『前線』嘅，都工不可沒呀..... 同埋多謝妳嘅資料提供，等我地都知道哩條路係啱嘅

其實如果咁講，Iris佢地就真係勁。探訪、表演都唔單止，仲親力親為去狗場幫手，比十萬個勁勁比佢

一啲都唔『無私』。

講真架，去老人院真係開心架；而Dede真情喪放肆啦(請睇返下面覆『咇咇蕉』嘅一段)

所以我真係唔介意，甚至係鍾意去做探訪架。

至於要多謝，就真係多謝飯團爸媽，淨低亞妹喺屋企，仲有Zoe姐姐，哩個後生女成日群住我地哩班唐媽唐爸，唔知佢想點？

冇幾多野啫，我每次去探訪，都當係帶亞仔去玩，不過唔係去沙灘，唔係去公園，係去老人院之嘛。

同老人家吹下水，一樣咁開心架。

好似今次咁，有啲老人家唔係講廣東話，聽唔明，咁咪答佢『哦哦哦』，『係呀，係架』咁囉。

佢地又一樣聽唔到我地講乜滯，我估佢地咪一樣『笑騎騎』就算。

咁樣先至係做人最高境界，不同原因，總之同步地笑

妳問Dede鍾意去公園定去老人院多啲？

佢梗係鍾意去老人院啦，公園邊有咁多野食呀，佢個死仔，今次去探訪，未停過係咁搵個鼻鼻頂個零食袋，喪叫我請佢食野。

所以去探訪係有賺架

千祈唔好咁講，都係嗰句，我地都只係心口有個『勇』字嗰個，行前一兩步啫；

都要其他唐唐齊齊進步，大家先至會改觀。要如妳所講，亞Bear亞寶都令到妳個女Boss改觀，虹虫、美麗咁就係咁喺MK同SK大賣可愛。

唐唐越來越少人歧視，係大家一齊向前行嘅成果來架

越來越多人接受唐狗的確係事實。

上年我有一段時間日日都拖住Dede獸由屋企行返工，路程都要半粒鐘，沿途會行經皇室堡，Sogo後門等等。

返工都唔算太多人，放工7點幾鐘，銅鑼灣區咁多人，老實講，冇幾多個人驚我地喎。

今日真正做到咗先至夠膽講囉.......

其實初初諗住要『爭取』到有機構可以比我地去做探訪已經唔容易..... 所以知道係向哩個方向行，但實在唔敢諗，亦都唔知到幾時係時機，係機遇........

有咗今次哩個經驗，哩個口碑，希望唐狗會大使隊可以越行越闊，去多啲機構做探訪...... 有一日，可以入到學校，比小朋友認識唐狗，哩個就係De媽最大嘅心願喇。

其實『狗醫生』嗰度都有幾隻唐狗；而『動物醫生』以前有豬豬、細細，不過佢地都退役喇，而家仲有查查一家啦.......

Dede實際上唔係兩個『醫生』組織之一，佢係『綠色動物教育基金』嘅義工，都有一個既定準則嘅考試，但『綠色』除咗睇隻狗嘅表現，亦都係睇主人點樣看管隻動物。

Dede都試過考『狗醫生』兩次架，不過都通過唔到，最起碼符合唔到『狗狗能夠有自信又開心咁去面對陌生人』哩一關.......

都冇話威唔威，不過喺哩件事上面就係一個『朵』，行咗一個方便，有咗一份認同。

咪當我地同埋查查、Diamond做緊唐狗嘅先頭部隊...... 哩，心口有個『勇』字嗰啲，開咗路，探到風，其他唐唐可以大踏步一齊行囉