人到中年

炒車...死唔去...住院...喺屋企休養...每日自已Gut Gut吓去洗傷口......

人到中年,身邊嘅朋友都有伴侶,甚至唔止一個伴侶、家庭、兒女,
想想身邊嘅朋友如果有傷痛病患,應該都會有人關心照顧......

發生意外前兩日,有朋友家人要做手術需要錢應急,我答應星期一
會幫忙,偏偏我星期六半夜出事,星期日瞓喺威爾斯打俾另一個
相識十多年朋友話佢知我出事,但亦想拜託佢替我轉錢去幫我
之前應承嘅朋友,佢喺電話度即時反面:
"你呢嗰時候仲顧住幫人?顧你自己先啦!我唔贊成亦唔會幫你!"

然後吸咗我綫......雖然俾佢鬧到隻狗咁,但心裡面好清楚佢咁嬲

係純粹出於關心著緊,佢係一個比較理性嘅人,相反嘅我就成日

感情用事,答應幫忙但因為自己唔好彩炒車入咗醫院而做唔到,

個心好唔安樂!