Agent M

早派去沙田睇樓，去到M記分行，有個阿M帶我睇樓。

初時對阿M印象不錯，雖然他口水很多，但很smart和主動地介紹沙田區的最新市況。

行行吓就覺得佢唔多對路。感覺到佢不斷試我背景，並且張佢自己的睇法強加到我身上。可能我個樣檬檬地似水魚掛？

最近他再來電，這市況下當然無興趣啦！

但阿M無感易放棄，話奧運前會大升，有大陸條水喉射著一定無問題，重有我係長線投資，蝕10%都不用怕。講講吓直情當自己是救世主、我係鄉下佬。

我沒有發惡，阿M都係做生意啫。只不過我好想話比佢聽佢先至係傻仔！

奧運會升：記得大約舊年年中開始傳，到10月直通車唔通，股市見頂，跟著越傳越行。其實我一直都不信「奧運會升」和「政治鐵底」。奧運和香港樓市有咩關係呀！重有如果奧運前會升，係味即係奧運後會跌先。

差開少少，奧運需要社會穩定，而不需要股市樓市長升長有。其實大陸領導人是十分有政治智慧和目光遠大的。好像5月初火炬到中國之前上A破3000，大陸推出一些被形容是救市的措施。那時的形勢是西藏動亂平息不久，A股下瀉令民怨積聚，剛巧法國家樂福的失言，導致民怨爆發、針對家樂福的示威不絕。為了不影嚮奧運，大陸就推出那些被形容是救市的措施，以疏導民怨。所以，大陸是政治第一。救市？不是大陸主要考慮因素，亦不是解決問題的最好方法！

大陸條水喉射著：相信大陸有不少資金投資香港。但是股市資金流通一般較樓宇容易得多，股市應該會先受惠，感我係味應該買股票先呢？我估早派盲蹤蹤來香港買樓的大陸富豪，而家應該抋緊心口─大陸坐緊艇香港再坐。

蝕10%都不用怕：長線投資或者自己住絕對不是高價入貨的理由。當層樓100萬，蝕10%是10萬，收幾內租先cover反呵。如果以3成首期計，樓價跌10%即是蝕了本金的33%！最重要的是，買樓其實是一項高風險、歷時半生的投資。

記著：住宅是一個重要和值得參與的投資頂目，但切忌盲目入市。

我不會幫親阿M了，因為對沙田無興趣，同埋 ~ 我唔係傻仔！