08年7月7日

噚日約埋一班朋友仔去咗西貢遊船河~~~~!! 但落大雨喎~~~~!!  但都阻止唔到我地嘅決心~~~~~!! 咁一早起身就入咗西貢諗住join埋D朋友仔一齊買嘢~~~!! 點知... 點知打親比個個都"扮聲"~~~~!! (即係瞓梗覺, 又話自己起咗身~~~~!? 咁自己走咗去買D嘢, 再去食早餐等~~~!! 之後最早到就係利子妹妹~~~!! (今次仲約咗blog友利子同可兒妹去添~~~!!) 咁其他人陸陸續續咁嚟~~!! 咁我就同另一個男仔就去買咗買嘢~~~~!! 之後最最最開心嘅係, 今次約番我幾年冇見, 失散咗好耐嘅舊同學亞牛一齊去~~~!!  咁約埋佢一齊買嘢, 大家都二口同聲話: 隔咗咁多年都冇咩老到喎~~~!? 哈哈哈...  咁掃咗一輪就番去會合大家, 返到餐廳, 可兒妹都到埋, 但仲有四個遲到大王未到~~~!?  其實本來約咗0930上船, 但點知... 1030先人齊~~~~!!! 上得船嚟都差唔好十一點~~~~!? Shit~~~!! 

咁上到船大家都嘻嘻哈哈咁玩, 可兒同佢個FD&利子仲瘋狂影相~~!!  去到目的地都成十一點半lu~~~!! 咁游水嘅游水, 吹水嘅吹水~~~~!! 我當然係吹水嗰類啦~~~~!!  今次因為約咗亞牛, 所以專程喺屋企度拎咗兩支紅酒去飲~~~!! 老闆娘冇介紹錯喎~~~!! 兩支都係我啱晒我口味~~~!!  咁吹咗一輪水都會口乾架~~~!! 咁就跳落海飲個飽啦~~~~!!  之後仲去咗玩Wakeboard~~!! 最攪笑, 居然出太陽~~~!?   原來亞牛玩得幾勁喎~~~~!? 但原來可兒都有一手喎~~~~~!! 哈哈哈...  利子就最聰明~~~!! 玩咗三次就起到水喇~~~~!!  我就... 嚡~~~~!!  都起到水, 但... 下次努力過啦~~~~!!  咁番到去食嘢~~~!! 咁去煮嘢食... 但係... 唔知發生咩事~~~~!? 原來冇買到燒味~~~~!! 又冇買生果~~~!? 我同個fd誤會咗... 佢以為我買, 我又以為佢買咗~~~~!! 失敗中嘅失敗~~~~!! 煮炒公仔麵嗰時仲攪笑~~~!! 落原豉油, 但發現冇糖~~~~!? 結果咸到飛起~~~~!? 攪到非常唔好意思~~~~!! 嗚...  不過下次一定唔會再比依d事發生架喇~~~~!! I promise~~~~~!!

咁快樂嘅時刻過得特別快~~~~!! 大家懷着快樂&疲倦回程~~~~!! 回程途中可兒同利子又係一輪喪影~~~~~~!! 跟住我哋仲一齊擺晒pose影合照~~~!! 勁攪笑~~~~!!

之後就一行人走嘅走, 我就最後同個幾個fd&可兒出咗去旺角, 之後我同可兒&佢D朋友一齊食嘢~~~!! 仲介紹咗兩個新BLOG友(Rachel & "桑力") 比我識添~~~~!! 之後仲去咗唱咗陣K添~~~~~!! 仲玩咗我一生人之中最慘痛嘅層層疊~~~~~~~~!!! 可以提意, 輸咗要比人喺塊面度用化妝品畫~~~!!!  結果... 我同"桑力"慘穢可兒毒手~~~~!! 男人真係命苦架喇~~~~~~!!!  最後好彩可兒都半放水咁輸番一次比我地~~~!! 都算叫做大仇得報啦~~~~~!!   08年7月7日係一個又充實又開心的的一天~~~~~~!!