過氣的國慶煙花

　　數算一下，今次又等差唔多半個月先得閒出文寫寫之前國慶煙花匯演。由於朋友有飛的關係所以唔需要再去碼頭同人鬥早霸位，可以去海港城停車場頂層睇／影相，不過今次最樣衰都係，自己數錯人頭結果令到有 blog 友未能進場，實在係萬分抱歉



　　海港城停車場頂層露天位置確實係一個好位置，居高臨下，可以同時將鐘樓及天星碼頭收入鏡內，人少亦相對碼頭少好多（因為派飛關係所以大部份到場人士都係 local 人並非遊客）。



　　之前曾經一度傳出可能會受天雨影響而要將煙花匯宴押後，慶幸當日下午天氣暫時轉晴及有微風，煙花之線條及圖案大部份都能夠展現眼前。



　　官方公佈煙花發放共分九幕，事前已做定功課大約知道不同圖案的發放次序，最矚目的自然係「中國六十」四個字，總共會發放六十次之多，不過好衰唔衰，四個字出現時梗有部份字樣改變了角度或發放不全，上面兩張勉強係最接近的（真係要加少少想像力 ）。

　　感覺今年的都係比較行貨咁，出年再拍煙花時要諗諗有無新概念先...