大日子

琴日就係我家姐結婚既大日子，我做細老既當然就好開心啦，話曬我得一個家姐，不過全家人就由朝早忙到夜晚，我同我老婆五點幾就起左身準備，因為我家姐d姊妹六點幾7點就開始上來，所以我地都要早d起身，如果唔係人地來曬我地都仲未起身就唔係幾好啦。睇住佢地玩曬遊戲，整好曬所有野，準時9點鐘就出門啦，而我地就係屋企開始換衫，我地架車係十點三左右都來左屋企樓下，我地亦都要出發去中環紅棉道既婚姻註冊處啦。

一出門口就開始落雨，好彩就唔係話好大，唔洗開傘都ok。點知去到中環都已經有好多人係到等，我地係到影下相，等下咁，到左十一點半就睇佢地註冊啦。搞掂左，就係門口到又影下相，咁我地就搭番車出發去太古到飲茶，飲下茶同埋休息番一下，因為我地要等到三點幾四點酒樓先可以交個場俾我地，所以佢地飲完茶就係太古周圍到行，而我就等人車我番屋企同我家姐拿番d野，再車番我番太古，整個下午都好似係到遊車河咁，我當然順便係車上面休息番一下啦。

三點幾四點番到太古，就係酒樓到準備啦，我一早就已經搞掂曬d野，只不過係係到等，因為我要係門口到做迎賓，大多數時間都係坐係到，一做就做到8點幾，晚宴就開始啦。

一整日都有專業既攝影師係到影相，而我同我老婆又唔係有好多時間得閒影相，所以只係影左小小，我係呢到就post小小出來，等我再有多d相個時再post俾大家睇啦。