好耐無食烏江魚啦

今個星期無諗住番大陸架,不過二家姐係MSN問我番唔番去探下老豆,
咁我見又咁齊人,老公又話陪我番,所以就番去,不過我早老公一日番去.
臨番前約定阿泉,Jovy佢地,但番到去,結果都係得Jovy出咗黎先,
因為果兩個人一早約好人打波,早知道係咁我就唔咁早番啦!!
搞到咁多時間都唔知道做咩好...

到咗夜晚9點幾大家先得閒,之後又等埋阿娉收工一齊出去食野傾偈.
係茶餐廳坐緊既時候,睇到電視播緊既我好耐無食過既一樣餸菜,
之後我就提咗一提,點知阿泉就話而家去食....

去到附近既一間食市,不過唔記得叫咩名.味道都唔錯...
不過最唔好意思既就係,食得辣既人都係得我同Jovy,
要其他人陪我地一齊食辣野真係有d唔好意思.

烏江魚

不過真係好開心既,同班朋友見下面,聚下,食咩都無所謂...^^