網誌分類：生活小記 |
圖片
網誌日期：2008-12-31 23:53
今晚係2008年最后既一日,本來老公諗住話係屋企打邊爐,
但係細佬同佢女朋友會夜番,因為細佬舖頭今日新開張,
所以收咗舖先番屋企,番到黎既話一定係10點幾...
所以老公決定都係同我出街食...
結果同咗老公去咗萬象城食和民.
去到個商場,好多人呀,可能係除夕夜,特別多人出街玩,
塞車又塞到暈,其實我好驚呢d日子出街~
同老公都差唔多成年無黎呢個商場,以為唔覺得d咩,
不過今日黎到,就覺得好靚,可能因為圣誕既布置...
我地叫咗唔係好多野食,本來我諗住最尾食個雪糕甜品.
不過老公竟然話唔係好肚餓,搞到d野食我清曬...
食唔到我最想食既雪糕...
唔知係未因為經濟差,和民都減咗價,加埋杯野飲都係146蚊.
好低食...
食完就去細佬舖頭睇下,順便等埋收舖,齊齊番屋企.
出咗地鐵,東門鬼咁多人,就連建築物都整咗小小裝飾,
唔知道係未迎接新既一年呢?
hello......^_^ 未有任何已發表的網誌
jovy 2009-01-05 01:29
老鼠仔 2009-01-03 22:24