網誌分類：生活小記 |
圖片
網誌日期：2008-10-22 23:40
今日勁攰呀!
番咗公司幫手咗一日,聽日就趕工搞掂埋D圖.
唔知道兩日裡面做唔做得曬咁多呢??
今日我諗係最攰既一次,可能係因為我夜晚4點幾先訓得著,
之後7點3就要起身,起身一直到夜晚6點幾都唔覺得攰,
但係番到公司就攰到趴係到咁.
因為個客落完單既樣板,要一箱箱搬上4樓.
幾乎全部都係陶瓷,當然唔係我一個搬曬啦!
我只係搬咗兩箱最細既,但都好重...(上上落落已經4轉)
而且我仲著咗對高跟鞋去見客.可能平時唔多著,
搞到對腳又酸又攰...搬到又成身汗...
已經無番公司大半年啦!
今日睇番公司,完全無變,一樣係咁既擺設,
我個座位一樣有好多我以前既文件我既野係到.
仲有我種既果盤花,不過已經變成咁啦!!!!
點解枯到咁都唔整走佢...
見到咁都有d心酸,因為由種子種到咁...結果係咁樣...
講俾老公聽,佢都係到笑...
(仲話早知搬番俾佬豆都好d,因為佬豆同我一樣都好中意種花)
雖然我番咗公司,但我都無打算整走盤野,
因為我想睇下,下次我再番黎既話,會唔會仲係到=_="
hello......^_^ 未有任何已發表的網誌
三少 2008-10-26 04:06
丁生與瑪姬 (Maggie)2008-10-27 14:36
jovy 2008-10-24 02:06
見你公司張相仍然雜亂，仍然一樣無變.....不過唯一變既就係你個盤花凋謝了，哈哈哈......真係忍唔住笑
丁生與瑪姬 (Maggie)2008-10-27 14:35
其實雜亂喺因為見完客,多樣版,無辦法,平時唔會.
老鼠仔 2008-10-23 16:29
甘多箱樣版系未仲要一個個版都要單拍照同處理架？
如果系真系有排你整吖．
你盤花真系可憐吖，睇到距個枯萎既相，我都系度忍唔住系度笑吖．哈哈
丁生與瑪姬 (Maggie)2008-10-27 14:34
係呀,唔止每個要但影同處理,仲要量尺存架~
我今次破記錄,十幾個鐘頭做曬啦!