澄澄小公主滿月日

今日起身就同丁生上咗竹園契媽屋企,坐咗陣就幫手拎d野去榕江酒樓.
順便喺榕江飲埋茶,之後陸陸續續就有人來祝賀小公主既滿月啦!

成個場大大話話都成20圍麻將,場面好似間麻將館咁,哈哈!!!
我同丁生仲有奶奶都有份喺裡面打,不過就當然唔同臺啦!!

呢個大日子最忙我諗都喺Erica,肥倫同小公主,因為食飯既時候,
佢地都無好好地咁坐住喺到食野,全場人都想同小公主影相相,
(咁喺啦~未入席既時候,個個都喺到打緊牌,都未有時間影相.)
我地果圍臺,本來已經得10個人,再少咗肥倫同Erica,d餸食都食唔曬.

呢個就喺小公主澄澄啦!
由於我見到澄澄既時間佢都喺訓住覺,就連食奶都喺架!!哈哈~

食完后,全場人都開始慢慢離開,而我地就繼續喺果到開臺打天光.
全場走曬,就連冷氣都無埋,打到一半就覺得好焗,好辛苦,
可能喺因為我病咗,傷風問題....
坐的士番屋企途中,阿Kent仲話佢同我一樣喺裡面好似d魚咁.
用個嘴黎透氣,因為我地兩個都喺傷風緊,咁焗既地方,鼻仲塞得犀利...
好似d魚用個嘴黎透氣...哈哈~~ (又真喺幾似既)

不過經過呢日,我個病仲嚴重咗好多.好辛苦呀,救命呀~