今日煮咗我最拿手既餸ar...

今日好晏先起身,每次一起身第一時間就開著部電腦先,
之後先去搞其他既野,原先諗住打掃下衛生,拖下個地,
但...哈哈~

一坐低喺電腦櫈到,就唔多愿做咁,不過都收拾咗一下.
就喺無拖到地,因為今日喺論壇到,小愛愛問有無一個topaz濾鏡插件.
而我應承咗幫佢搵,因為佢話搵咗好多都安裝唔到...
最後搵到咗,覺得又幾好用,所以自己又裝埋一份.
不過小愛愛話裝唔到,之後又教埋佢點安裝...
咁就用咗我成個晏就...

之後奶奶打電話番黎問我,今日煮咩好,
因為尋晚奶奶話放喺雪柜裡面好耐既兩個青椒紅椒,唔知道攞黎煮咩...
咁我就諗咗煮咕嚕肉,所以等奶奶買肉番黎就得啦!!

呢排唔知丁生做乜鬼,成日逼我食肉,話我成日唔食肉唔得喔~~
嘿...唔中意就唔中意架啦!逼都無用喔~~
我又唔喺真喺一d肉都唔食,只喺食少少者^^,呵呵,開始覺得佢有d煩...

佢番到屋企,就話不如攞果兩個青紅椒煮辣子雞,
其實我知道佢意思,煮辣子雞,我就一定會食果d肉,
但咕嚕肉我煮親都唔多食,(佢又話我唔食肉啦,嘿...)

但我都唔理佢,因為咕嚕肉仲快煮,唔洗切咁多野...
其實咕嚕肉好容易煮,最重要喺自己調教果d甜酸汁.
喺出面買果d一包包,喺唔夠自己整既好,所以我從來都喺自己調...
記得佢第一次食我煮既咕嚕肉,喺咁話好食,仲食好多飯添...

咕 嚕 肉
2008/06/27
By Maggie

今日煮成碟都食曬啦^^
呵呵,其實唔止丁生話好食,仲有我屋企人都好中意,
成日話我煮呢個餸喺最拿手...(咁我都覺得喺既^^)